چاووش اوغلی شیخ حسینه بیلن اوچره شدی

تورکیه جمهوریتی تشقی ایش لر وزیری مولود چاووش اوغلی, رسمی بیر سفر بیلن بنگلدیش گه تشریف بویوردی. 

اوشبو دایره ده چاووش اوغلی بنگلدیش باش وزیری شیخ حسینه بیلن اوچره شدی. 

چاووش اوغلی تویتر آرقه لی بیرگن بیاناتیده بنگلدیش باش وزیری شیخ حسینه بیلن اوچره شگن لیگی نی معلوم قیلدی. 

اوشبو بیاناتیده چاووش اوغلی, "باش وزیر شیخ حسینه گه جمهوررئیسی میز رجب طیب ایردوغان نینگ سلامی ییتیشتیردیک.  سفارتی میز نینگ قوریلیش ایش لری نی قوللب- قووتله گن لیگی اوچون منتدارچیلیک بیلدیره من.  دوام ایتتیریله آله دیگن رواجله نیشی بیلن جنوبی آسیا نینگ پارلاق یولدوزی بولگن بنگلدیش 'ینگی دن آسیا' تشبثی میز نینگ اینگ مهم اورتاق لری دن بیری دیر" دییه قید ایتدی. 

چاووش اوغلی اوشبو بیاناتیده, تورکیه نینگ, کینگ کولملی تشقی سیاستی دن عبارت بولگن "ینگی دن آسیا" ده, تورکیه بیلن آسیا اولکه لری اورته سیده تجارت, تعلیم و تربیه, مدافعه صنایع سی, تکنالوژی, فرهنگ و سیاست ساحه لری بوییچه دیالوگ نینگ آرتیریلیشی گه کتته اهمیت بیریلیاتگن لیگی نی بیلدیردی.