جمهوررئیس ایردوغان تلفن آرقه لی اوروپا بیرلیگی کینگشی باشلیغی بیلن سوزله شدی

تورکیه جمهوریتی جمهوررئیسی رجب طیب ایردوغان, تلفن آرقه لی, اوروپا بیرلیگی کینگشی نینگ باشلیغی چارلیس میشل بیلن سوزله شدی.

جمهوررئیسلیک ارتباط لر ریاستی تامانیدن بیریلگن بیانات گه کوره, میشل, اوروپا بیرلیگی رهبر لر ییغیلیشی توغریسیده معلومات بیریش و فکر المه شیش اوچون جمهوررئیس ایردوغان گه قونغیراق قیلدی. 

جمهوررئیس ایردوغان اوشبو تلفنی صحبت ده, تورکیه نینگ کیله جگی نی اوروپا بیرلیگی بیلن بیرگه تصور قیلیاتگن لیگی نی معلوم قیلرایکن, تورکیه- اوروپا بیرلیگی مناسبت لری بوییچه تشلنگن هر بیر مثبت قدم نی ینگی بیر فرصت اوله راق بهالنتیریاتگن لیک لری نی بیلدیردی. 

تورکیه اوله راق اوروپا بیرلیگی بیلن ینگی بیر دور نی باشله تیش نی خواهلر ایکن, بعضی تامان لرنینگ اوزلوکسیز روشده بحران چیقاریش گه حرکت قیلگن لیگی نی بیلدیرگن ایردوغان, تورکیه بیلن اوروپا بیرلیگی اورته سیده گی مناسبت لرنینگ اوشبو معما دن قوتیلیشی کیره ک ایکن لیگی نی معلوم قیلدی. 

ایردوغان, تورکیه نینگ یونان بیلن استکشافی اوچره شوو لرنی قیته باشدن باشله تیش گه تیار ایکن لیگی نی بیر نیچه مرته بیلدیرگن لیگی نی معلوم قیلرایکن, یونان تامانی نینگ ینگی بهانه لر بیلن مذاکره دن قاچگن لیگی و سونگگی هفته لرده تحریک ایتووچی قدم لر تشله گن لیگی گه دقت قره تدی. 

بونگه قره مسدن, تورکیه نینگ حقانیت و عدالت دایره سیده بیر سیاست آلیب باریاتگن لیگی نی معلوم قیلگن جمهوررئیس ایردوغان, شرقی اورته ییر دینگیزی بوییچه هم یخشی نیتلی و مثبت سیاست آلیب بارگن تامان نینگ تورکیه ایکن لیگی و اوشبو خصوصده خلق ارا بیر کنفرانس ترتیب له نیشی بوییچه پیشنهادی نینگ حاضرگی کونده هم کون ترتیبی ده ایکن لیگی نی ایسله تیب اوتدی. 

اوشبو کنفرانس ده شمالی قبرس تورک جمهوریتی داخل هیچ بیر تامان نینگ چیتلنمس لیگی کیره ک ایکن لیگی نی معلوم قیلگن ایردوغان, قبرس ارالی ده عادلانه و قالووچی بیر ییچیم اوچون سعی و حرکت ایتیاتگن تامان نینگ هم هر دایم تورکیه بولگن لیگی نی بیلدیردی. 

جمهوررئیس ایردوغان, لیبیا, سوریه و یوقاری قاره باغ کبی اوروپا بیرلیگی تامانیدن معمالی اوله راق قبول قیلینیاتگن ساحه لرنینگ هیچ بیری نینگ تورکیه- اوروپا بیرلیگی مناسبت لری ننیگ اصلی بیلن علاقه لی ایمس لیگی نی بیلدیررایکن, اوشبو خصوص لرده اساسی هدف لر نینگ بویوک مقیاسده بیر خیل ایکن لیگی نی معلوم قیلدی. 

تورکیه- اوروپا بیرلیگی مناسبت لری نینگ سونگگی ایککی ییلده بعضی اعضا اولکه لرنینگ تار منفعت لری بیلن چیکله نیب قالگن لیگی نی بیلدیرگن ایردوغان, کینگیش هدف دایره سیده اوروپا بیرلیگی بیلن ینه مذاکره قیلیش نی آرزو ایتیاتگن لیک لری نی ایسله تیب اوتدی. 

ایردوغان, بیرینچی باسقیچده نتیجه آلینیشی ممکن بولگن واسطه نینگ 18 مارچ (مهاجر لر) کیلیشووی (2016) ایکن لیگی نی معلوم قیلرایکن, اوروپا بیرلیگی نینگ تورکیه بوییچه یخشی نیتلی و مثبت بیر سیاست آلیب باریشی نی آرزو قیلیاتگن لیگی نی بیلدیردی.