جمهوررئیس ایردوغان, آذربایجان نینگ قهرمانلیک لری نینگ دوام ایته دیگن لیگی نی بیلدیردی

ارمنستان اشغالی ده گی آذربایجان توپراق لری نینگ قوتقریلگن لیگی مناسبتی بیلن آذربایجان جمهوررئیسی الهام علی یف, جمهوررئیس رجب طیب ایردوغان و تورک عسکر لری نینگ هم اشتراکی بیلن پایتخت باکو ده گی آزاد لیک میدانی ده ظفر مراسمی ترتیب لندی.  

مراسم گه اشتراک ایتیش اوچون توناوون اوشبو اولکه گه سفر قیلگن ایردوغان, خوددی شوو ییرده گی صحبتیده, "انشاءالله آذربایجان, قرداشیم الهام علی یف نینگ مدبرانه رهبرلیگیده قهرمان لیک لری نی دوام ایتتیره دی. آذربایجان نینگ توپراق لری نی اشغال دن قوتقرگن لیگی, هیچ قچان کوره ش نینگ اداققه ییتگن لیگی معنی سی گه کیلمه یدی" دییه قید ایتدی. 

"تورکیه اوله راق هردایم آذربایجان بیلن بولگن مناسبت لری میز ده اولوغ رهبر حیدر علی یف نینگ ایککی دولت بیر ملت شعاری دن فایده لندیک" دییه قید ایتگن ایردوغان, اوز سوز لری نی, "اوروش حقوقی آغیر بیر شکلده اخلال ایتیلدی و انسان لیق شرفی پایمال قیلیندی.  هر شکلده اوشبو وضعیت نینگ حسابی نی سوره ش مسئولیتی میز دن عبارت.  ارمنی رهبر لر خلق نینگ منبع لری دن آذربایجان توپراق لری نی اشغال ایتیش اوچون استفاده ایتدی.  تاغ لیک قاره باغ گه ویران لیک, قیرغین و ییغی دن باشقه بیر نرسه ارمغان قیلمه گن لرنینگ ایندی عقللی بولیش لری کیره ک.  غربی امپریالیست لرنینگ تشویقی بیلن موفقیت قولگه کیریتیله آلمه یدیگن لیگی نینگ درک ایتیلیشی و مناسبت لر توغریسیده قیته باشدن باش قاتیریش کیره ک.  ارمنستان خلقی نینگ قاره باغ ده گی حادثه لر دن عبرت آلیشی, منطقه ده ینگی بیر دور نینگ باشلنغیچی دن عبارت بوله دی" شکلیده دوام ایتتیردی. 

جمهوررئیس ایردوغان, تورکیه بیلن آذربایجان نینگ بیر یقه دن باش چیقاریشی تقدیرده, برچه معما لرنی ییچیب موفقیت قولگه کیریته دیگن لیگی نی معلوم قیلدی. 

آذربایجان جمهوررئیسی الهام علی یف, اوشبو مراسم ده قیلگن معروضه سیده, "یورت محاربه سی نینگ باشله گن ساعت دن باشلب تورکیه بیز نی قوللب- قووتله دی. تورکیه بیلن بولگن بیرلیگی میز نی خلقی میز و دنیا گه کورسه تیب بیرماقده میز" دییه قید ایتدی. 

"ارمنستان, آذربایجان خلقی گه قرشی اوروش جرمی گه مرتکب بولدی.  ارضی تمامیتی میز نی اوروش میدانی ده قیته باشدن قازاندیک" دییه قید ایتگن علی یف, اوز سوز لری نی, "ارمنستان اردوسی مغلوبیتی نی قبول قیلدی.  قاره باغ آذربایجان نینگ توپراغی دن عبارت و بوگون دنیا قاره باغ نینگ آذربایجان گه عاید بولگن لیگی نی کوردی.  یشه سین تورکیه- آذربایجان دوست لیگی" شکلیده دوام ایتتیردی.