تورکیه ده 405  مینگ گه یقین کیشی کرونا دن ساغه یدی

تورکیه ده سونگگی 24 ساعت ده 188 کیشی کرونا دن حیاتی نی یوقاترایکن, شونده ی قیلیب حاضرگی کون گه قدر اوشبو ویروس سببلی وفات ایتگن کیشی لر سانی 13 مینگ 746 نفر گه ییتدی. 

خوددی شوو مدت مابینیده تست ایتیلگن 176 مینگ 656 کیشی دن آلتی مینگ 514 نفری نینگ کسل بولگن لیگی انیقلندی. کونده لیک واقعه سانی نینگ ایسه 31 مینگ 219 ایکن لیگی معلوم قیلیندی.

ینه تورت مینگ 485  کیشی نینگ توزه لیشی بیلن بیرگه ساغه یگن لر سانی 404 مینگ 727 نفر گه ییتدی.

باشقه بیر تاماندن ایسه تورکیه جمهوریتی جمهوررئیسی رجب طیب ایردوغان, کرونا ویروس پاندمی سی گه قرشی آلینگن ینگی تدبیر لر باره سیده معلومات بیردی. 

اوشبو دایره ده تورکیه ده محللی وقت بیلن جمعه کونی ساعت 21:00 دن باشلب دوشنبه کونی ساعت 05:00 گه قدر انسان لرنینگ کوچه گه چیقیشی ممنوع قیلیندی. 

هفته نینگ باشقه کون لریده ایسه ایرته لب ساعت 5 دن باشلب کیچه ساعت 9 گه قدر کوچه گه چیقیش نینگ ممکن ایکن لیگی بیلدیریلدی. 

جمهوررئیس ایردوغان کیلگوسی آیده تورکیه ده 50 میلیون دوز واکسین نینگ تطبیق ایتیله باشله نه دیگن لیگی نی معلوم قیلدی.