قطر امیری شیخ تمیم بن حمد آل ثانی تورکیه گه تشریف بویوردی

تورکیه بیلن قطر اورته سیده فرقلی ساحه لر بوییچه مناسبت لر کونساین کوچه یماقده. 

اوشبو دایره ده "تورکیه- قطر عالی ستراتیژیک کمیته سی آلتینچی ییغیلیشی" پایتخت انقره ه بولیب اوته دی.

خوددی شوو ییغیلیش تورکیه جمهوریتی جمهوررئیسی رجب طیب ایردوغان و قطر امیری شیخ تمیم بن حمد آل ثانی تامانیدن باشقریله دی. 

اوشبو ییغیلیش اوچون تورکیه گه تشریف بویورگن قطر امیری آل ثانی, جمهوررئیس ایردوغان تامانیدن پایتخت انقره ده رسمی مراسم بیلن کوتیب آلیندی. 

مراسم آرتیدن ایردوغان بیلن آل ثانی اورته سیده یککه مه یککه اوچره شوو بولیب اوتدی. 

کیین ایسه هیئت لر ارا اوچره شوو لر بولیب اوته دی. 

اوچره شوو لرنینگ تکمیل بولیشی آرتیدن ایسه ایککی اولکه اورته سیده فرقلی ساحه لرده کیلیشوو لرنینگ امضاله نیشی بوییچه مراسم بولیب اوته دی.