جمهوررئیس ایردوغان تلفن آرقه لی کویت نینگ ینگی امیری بیلن سوزله شدی

تورکیه جمهوریتی جمهوررئیسی رجب طیب ایردوغان, تلفن آرقه لی, کویت نینگ ینگی امیری شیخ نواف الاحمد الجابر الصباح بیلن سوزله شدی. 

جمهوررئیس ایردوغان اوشبو تلفنی صحبتده, وفات ایتگن کویت امیری صباح الاحمد الجابر الصباح گه الله دن رحمت تیلرایکن, مرحوم نینگ عایله سی و دوست کویت خلقی گه تسلیت بیلدیردی. 

کویت نینگ ینگی امیری بولگن لیگی سببلی الصباح گه هم تبریک بیلدیرگن ایردوغان, تورکیه بیلن کویت اورته سیده گی تاریخی و فرهنگی علاقه لر دن منشا آلگن اوزی گه خاص مناسبت لرنینگ ینه ده آرتیریلیشی نی ایسته یاتگن لیک لری نی معلوم قیلدی.

جمهوررئیس ایردوغان, ایککی اولکه اورته سیده گی یقین همکارلیک میزانی نینگ آرتیریلیشی نینگ منطقه ده تینچ لیک و برقرارلیک نینگ اورنه تیلیشی گه حصه قوشه دیگن لیگی گه ایشانیاتگن لیگی نی بیلدیردی.