جمهوررئیس ایردوغان اوروپا بیرلیگی رهبر لری گه مکتوب یوباردی

تورکیه جمهوریتی جمهوررئیسی رجب طیب ایردوغان, اوروپا بیرلیگی اداره لری نینگ باشلیق لری و اوشبو بیرلیک اعضاسی اولکه لرنینگ رهبر لری گه مکتوب یوباریب, تورکیه نینگ شرقی اورته ییر دینگیزی خصوصیده سیاست لری و معما لرنینگ ییچیلیشی توغریسیده گی پیشنهاد لری نی مطرح قیلدی. 

یونان و قبرس روم رهبریتی تشقری سیده گی اوروپا بیرلیگی اعضاسی اولکه لر گه یوباریلگن مکتوبده, جمهوررئیس ایردوغان, تورکیه بیلن اوروپا بیرلیگی اورته سیده گی علاقه لر و خوددی شوو مناسبت لرنینگ یخشی لشتیریلیشی نینگ تورکیه جهتیدن هردایم مهم بیر موضوع بولیب کیلگن لیگی نی بیلدیررایکن, اوشبو موضوع بیلن علاقه لی عدالت و رواجله نیش حزبی نینگ اقتداری دوری ده مهم آلغه سیجلیش لرنینگ بحث موضوعی بولگن لیگی نی بیلدیردی. 

ایردوغان, تورکیه بیلن اوروپا بیرلیگی اورته سیده 60 ییل دن آرتیق بیر مدت دن بیری مهم سیناو لرنینگ بولگن لیگی نی معلوم قیلدی. 

ایردوغان, "سونگگی پیتلرده, شرقی اورته ییر دینگیزی ده یوز بیرگن ینگی لیک لر سببلی مناسبت لری میز ینگی بیر امتحان دن اوتماقده. بو مکتوب آرقه لی سیز لر گه تورکیه نینگ شرقی اورته ییر دینگیزی بوییچه سیاست لری و مسئله لر گه ییچیم یولی نینگ تاپیلیشی بوییچه پیشنهاد لری نی مطرح قیلماقچی من.  شرقی اورته ییر دینگیزی بوییچه سیاستی میز ده ایککی مهم هدف موجود. بیرینچی هدف, شرقی اورته ییر دینگیزی ده دینگیز صلاحیت ساحه لری نینگ خلق ارا حقوققه اویغون و عادلانه بیر شکلده انیقلشتیریلیشی و دینگیز ساحه سیده گی حاکمیت حقی میز و صلاحیت لری میز نینگ قوریقله نیشی دن عبارت.  ایککینچی هدفی میز, قبرس تورک لری نینگ قبرس ارالی نینگ تینگ شریکی صفتیده, ارال نینگ هایدروکاربن منبع لری دن تینگ شکلده فایده له نیشی نینگ گرنتی ایتیلیشی دن عبارت.

اوشبو هدف لری میز دایره سیده تورکیه, شرقی اورته ییر دینگیزی نینگ, برچه تامان لرنینگ همکارلیگیده, هایدروکاربن منبع لری نینگ عادلانه بیر شکلده تقسیم قیلینگن, تینچ و برقرار بیر همکارلیک منطقه سی دن عبارت بولیشی نی آرزو ایتماقده.  کومیر و فولاد نینگ اوروپا بیرلیگی نینگ چیقیش نقطه سی بولگن لیگی دیک, هایدروکاربن نینگ قبرس ده ییچیم و کتته اوروپا بیرلیگی بوییچه اساس تشکیل ایتیشی نی ایسته ماقده میز" دییه قید ایتدی. 

جمهوررئیس ایردوغان, شرقی اورته ییر دینگیزی ده دوام ایتیاتگن بحران بوییچه مسئول تامان نینگ تورکیه ایمس, بلکه یونان و قبرس روم رهبریتی دن عبارت ایکن لیگی نی بیلدیردی. 

ایردوغان, "یونان بیلن قبرس روم رهبریتی نینگ تورکیه و قبرس تورک لری گه اهمیت بیرمه گن لیگی, بیر تامانلمه اوله راق قدم تشله شی, اوز باشیمچه ایش لر قیلگن لیگی و اوروپا بیرلیگی نینگ ایسه میلادی 2003- ییل دن بیری اوشبو وضعیت گه مداخله قیلمه گن لیگی سببلی حاضرگی وضعیت حاکم بولیب قالدی.  قبرس مسئله سی ییچیلمسدن اوروپا بیرلیگی اعضاسی ایتیب قبول قیلینگن جنوبی قبرس روم رهبریتی, قبرس تورک لری گه اهمیت بیرمسدن 2003-, 2007- و 2010- ییل لرده قوشنی اولکه لر بیلن دینگیز چیگره کیلیشوو لری امضاله دی, 2007- ییلده رخصت ساحه لری انیقله دی, خلق ارا داوطلبی لر باشله تدی و 2011- ییلده ایسه بیرینچی مرته سونداژ فعالیتی نی عملگه آشیردی" دییه قید ایتدی. 

ایردوغان, یونان نینگ قبرس روم رهبریتی بیلن بیرگه, تورکیه نی انتالیا کورفزی بیلن چیگره لنتیریب قوییش مقصدی بیلن, اوروپا بیرلیگی دن فایده له نیب, افراطی دینگیز چیگره سی ادعالری نی (سویلا نقشه سی)  تورکیه گه قبول ایتتیرتیش گه حرکت قیلگن لیگی, بو چیگره لرنینگ ملی و اوروپا نینگ تشقری سیده گی دینگیز چیگره لری دن عبارت ایکن لیگی نی ادعا ایتگن لیگی نی معلوم قیلدی. 

جمهوررئیس ایردوغان, "یونان بیلن قبرس روم رهبریتی بولر گه هم اکتفا قیلمسدن, تورکیه و قبرس تورک لری گه قرشی شرقی اورته ییر دینگیزی گاز فورومی نامی بیلن بیر میکانیزم تشکیل ایترایکن, عینی دمده تورکیه گه قرشی منطقه اولکه لری بیلن اوچ و تورت تامانلمه همکارلیک میکانیزم لری تشکیل ایتدی.  تورکیه ایسه, شرقی اورته ییر دینگیزی ده اوزی و قبرس تورک لری نینگ حق لری نی مدافعه ایتیش اوچون دیپلماسی گه اهمیت بیردی. دیالوگ و همکارلیک بوییچه چقریق لری میز نتیجه بیرمه گچ, 7 ییل کوتیشی آرتیدن ساحه ده 2018- ییل ده اقدام قیلدی" دییه قید ایتدی. 

ایردوغان, تورکیه نینگ, شرقی اورته ییر دینگیزی ده صلاحیت ساحه لری نینگ خلق ارا حقوققه اویغون و عادلانه بیر شکلده انیقلشتیریلیشی گه طرفدار ایکن لیگی نی بیلدیردی. 

جمهوررئیس ایردوغان, "اوشبو مقصد بیلن هیچ قنده ی بیر شرط نی مطرح قیلمسدن یونان بیلن مذاکره گه تیار ایکن لیگی میز نی ینه بیر مرته ایسله تیب اوتماقچی من.  اوشبو دایر ده بحران نینگ کمیتیریلیشی بوییچه ناتو عمومی سکرتری نینگ دینگیز و هوا عنصر لری نینگ اجره تیلیشی توغریسیده تشبث لری نی هم قوللب- قوتلیاتگن لیگی میز گه دقت قره تماقچی من. باشقه بیر تامان دن ایسه قبرس تورک لری بیلن قبرس روم لری نینگ, قوله تیلگن قبرس جمهوریتی نینگ مشترک اساسچی لری و ارال نینگ اورتاق ایگه لری اوله راق هایدروکاربن منبع لری نی عادلانه بیر شکلده تقسیم قیلیش لری بوییچه همکارلیک میکانیزمی تشکیل ایتیش لری کیره ک. بونده ی بیر همکارلیک میکانیزمی نینگ قوریلیشی اوچون قبرس مسئله سی نینگ ییچیلیشی نی کوتیش شرط ایمس. زیرا, ارال ده گی ایککی تامان هم, انیقله گن رخصت ساحه لریده خلق ارا پطرول شرکت لری واسط سی بیلن فعالیت آلیب بارماقده.  اوشبو فعالیت لرنینگ توخته تیلیشی یاکه دوام ایتتیریلیشی خصوصیده فقط گینه ارال ده گی ایککی خلق نینگ بیرگه لیکده قرار قیلیشی کیره ک. 

عینی دمده, شرقی اورته ییر دینگیزی ده قبرس تورک لری داخل برچه تامان لر نی بیرلشتیره دیگن, کینگ کولملی بیر انرژی فورومی نینگ تشکیل ایتیلیشی نینگ جوده فایده لی بوله دیگن لیگی گه ایشانماقده من.  تورکیه اوشبو جهت ده تشله نه دیگن قدم لر نی قوللب- قوتله یدی. 

اوروپا بیرلیگی نینگ اوشبو مفکوره میز نی حمایت قیلیشی نی, کاندید اولکه دن عبارت تورکیه گه قرشی طرفلی سیاستی نی ترک ایتیشی نی, یونان و جنوبی قبرس روم رهبریتی نینگ افراطی فکر لری نی شرطسیز و حقسیز بیر شکلده قوللب- قوتله مسلیگی نی آرزو قیله من.  اوروپا لیگی نینگ اولکه م گه قرشی طرفلی سیاستی, اوروپا بیرلیگی قاعده لری و خلق ارا حقوققه ضد.  اوشبو طرفلی سیاست ییچیم نی قیین لشتیرماقده, بحران نی آرتیرماقده و تورکیه- اوروپا بیرلیگی مناسبت لری گه و کوپلب ساحه لر ده گی مشترک منفعت لری میز گه ضرر بیرماقده.  بیز, اوروپا بیرلیگی دن طرف سیز بولیشی, همه بیلن بیر خیل رویه قیلیشی و دیالوگ بیلن همکارلیک نی قوللب- قوتله شی نی کوتماقده میز.  یوقاری ده بحث ایتیلگن قدم لر تشلنمسدن تورکیه و قبرس تورک لری دن شرقی اورته ییر دینگیزی ده گی هایدروکاربن فعالیت لری نی توخته تیشی نینگ طلب ایتیلیشی, حقوقی و عادلانه بیر طلب دن عبارت ایمس" دییه قید ایتدی. 

ایردوغان, جولای آیی نینگ سونگگی ده اوروپا بیرلیگی نینگ حاضرگی دور باشلیغی آلمان نینگ طلبی گه بناً تورکیه نینگ آلیب بارگن یخشی نیتلی سیاستی گه, یونان نینگ 6 آگست ده مصر بیلن چیگره لنتیریش کیلیشووی امضالب جواب قیترگن لیگی نینگ ایشانچ سیزلیک نی آرتیرگن لیگی نی معلوم قیلدی اوشبو مکتوبی ده. 

جمهوررئیس ایردوغان, شرقی اورته ییر دینگیزی مسئله لری گه عادلانه و تینچلیک سیور بیر ییچیم یولی تاپیش نینگ همه نینگ اورتاق مسئولیتی دن عبارت ایکن لیگی نی بیلدیردی. 

ایردوغان, "بونینگ اوچون همکارلیک و دیالوگ نینگ قوللب- قوتله نیشی, موجود بحران نی آرتیره دیگن قدم لر و قرار لر دن واز کیچیلیشی کیره ک.  18 مارچ کیلیشووی نینگ حاضرگی کون نینگ شرایطی گه ماس بیر شکلده ینگیله نیشی و تورکیه بیلن اوروپا بیرلیگی اورته سیده گی مناسبت لرنینگ برچه جهت لر دن مشترک منفعت لری میز گه اویغون باسقیچ مه باسقیچ آلغه کیتیشی نی آرزو ایتماقده میز.  بونینگ ناقانونی کوچ, تروریزم, تجارت, انرژی کبی کوپلب ساحه لر ده مناسبت لری میز نینگ مشترک منفعت لری میز جهتی دن حیاتی اهمیتی نینگ درک ایتیلیشی بیلن ممکن ایکن لیگی گه ایشانرایکن, اوشبو جهت ده همکارلیگینگیز نی کوتماقده من" دییه قید ایتدی.