ایردوغان ویدیوکنفرانس آرقه لی مرکل و میشل بیلن گپلَشدی

تورکیه جمهوریتی جمهوررئیسی رجب طیب ایردوغان, ویدیوکنفرانس آرقه لی, اوروپا بیرلیگی کینگشی نینگ باشلیغی چارلیس میشل و آلمان باش وزیری آنگلا مرکل بیلن صحبت قیلدی. 

جمهوررئیسلیک ارتباط لر ریاستی تامانیدن بیریلگن بیانات گه کوره, ویدیوکنفرانس آرقه لی بولیب اوتگن اوچ تامانلمه ییغیلیشده, تورکیه بیلن اوروپا بیرلیگی اورته سیده گی مناسبت لر توغریسیده کینگ کولملی اوله راق بحث ایتیلدی.

شرقی اورته ییر دینگیزی ده گی ینگی لیک لر باره سیده هم بحث ایتیلگن اوشبو ییغیلیشده, تورکیه و یونان نینگ استکشافی مذاکره لر باشلش گه تیار ایکن لیگی معلوم قیلیندی. 

مذاکره لر بیلن علاقه لی کیلیشوو نینگ قنده ی دوام ایتتیریلیشی بوییچه یونان تامانیدن تشله نه دیگن قدم لرنینگ مهم ایکن لیگی نی معلوم قیلگن جمهوررئیس ایردوغان, قبرس تورک لری داخل برچه تامان لرنینگ اشتراکی بیلن بولیب اوته دیگن منطقه مقیاسیده گی بیر کنفرانسده فایده لی قرار لرنینگ قبول قیلینه دیگن لیگی گه ایشانیاتگن لیگی نی بیلدیردی. 

پنجشنبه کونی باشلیدیگن اوروپا بیرلیگی رهبر لر ییغیلیشی نینگ تورکیه بیلن اوروپا بیرلیگی اورته سیده گی مناسبت لر جهتی دن فایده لی بولیشی نی امید ایتیاتگن لیگی بیلدیرگن جمهوررئیس ایردوغان, گمرک بیرلیگی کیلیشووی, ویزه معافیتی و مهاجرت کیلیشووی موضوع لری بوییچه یخشی نیتلی و انیق قدم لرنینگ تشله نیشی تقدیرده تورکیه بیلن اوروپا بیرلیگی آره سیده گی علاقه لر توغریسیده مثبت ینگی لیک لرنینگ یوز بیره دیگن لیگی گه ایشانیاتگن لیگی نی معلوم قیلدی. 

اوروپا بیرلیگی نینگ تورکیه بیلن یخشی مناسبت لر قوریشی نینگ منطقه مقیاسیده گی مسئله لرنینگ ییچیلیشی گه مثبت حصه قوشه دیگن لیگی نی معلوم قیلگن جمهوررئیس ایردوغان, مرکل بیلن میشل نینگ تورکیه بیلن اوروپا بیرلیگی آره سیده گی علاقه لر گه ایجابی حصه قوشیش مقصدی ده  سعی و حرکت قیلیاتگن لیگی اوچون خرسندچیلیک بیلدیردی.