اردوغان تلفن آرقه لی علی اف بیلن اوچره شدی

تورکیه جمهوریتی جمهوررئیسی رجب طیب اردوغان, تلفن آرقه لی, آذربایجان جمهوررئیسی الهام علی اف بیلن اوچره شدی. 

جمهوررئیسلیک ارتباط لر ریاستی تامانیدن بیریلگن بیاناتده, جمهوررئیس اردوغان نینگ اوچره شووده, آذربایجان پایتختی باکو نینگ ارمنی و بلشویک اشغالی دن قوتیلگن لیگی نینگ 102- ییل لیگی مناسبتی بیلن آذربایجان جمهوررئیسی الهام علی اف و آذربایجان خلقی گه اوز تبریک لری نی بیلدیرگن لیگی معلوم قیلیندی.

بیر یوز ایککی ییل آلدین انادولو دن قرداش آذربایجان گه یاردم اوچون بارگن نوری پاشا قومانده سیده گی قفقاز اسلام اردوسی نینگ آذربایجان ملی اردوسی بیلن بیر یقه دن باش چیقاریب غلبه قازانگن لیگی نی معلوم قیلگن جمهوررئیس اردوغان, اوشبو شانلی کوره ش نینگ برچه شهید لری و قهرمان لری نی رحمت و حرمت بیلن ایسلَیاتگن لیگی نی بیلدیردی. 

جمهوررئیس اردوغان, تورکیه و آذربایجان نینگ, باکو نینگ قوتیلیشی ده کورینگن لیگی دیک, بارلیک لری و حیاتی منفعت لری گه قره تیلگن تهدید لر و حمله لر قرشی سیده گی اوز ارا همکارلیک لری نینگ, جهان بویلب بیر اورنک و همده بیر پیام دن عبارت ایکن لیگی نی معلوم قیلدی. 

اوتمیشده بولگن لیگی دیک, حاضرگی کونده هم "ایککی دولت, بیر ملت" شعاری بیلن برچه ساحه لر بوییچه تورکیه بیلن آذربایجان اورته سیده گی مناسبت لرنی چقورلشتیریش توغریسیده قرارلی ایکن لیک لری نی ینه بیر بار ایسله تیب اوتگن جمهوررئیس اردوغان, تورکیه نینگ هردایم آذربایجان نینگ یانیده اورین آله دیگن لیگی نی بیلدیردی. 

جمهوررئیس اردوغان, تورکیه نینگ هم آذربایجان کبی باکو نینگ قوتیلیشی نینگ 102- ییل لیگی نی قیزغین کوتیب آلیاتگن لیگی نی بیلدیررایکن, آذربایجان خلقی گه سلام تقدیم ایتدی.