جمهوررئیس اردوغان یونان نی آگاهلنتیردی

تورکیه جمهوریتی جمهوررئیسی رجب طیب اردوغان, فرانسه جمهوررئیسی امانوئل ماکرون گه عکس العمل کورستدی. 

اردوغان, بولیب اوتگن بیر ییغیلیش ده قیلگن معروضه سیده, "حرمتلی ماکرون, سینینگ مین بیلن کوپ قیین چیلیک لرینگ بوله دی.  سینینگ (ماکرون) تاریخ حقیده معلوماتینگ هم یوق.  سین فرانسه نینگ تاریخی نی هم بیلمی سن. تورک ملتی و تورکیه بیلن اورنشمه" دییه قید ایتدی. 

جمهوررئیس اردوغان, صحبتیده, شرقی اورته ییر دینگیزی ده بحران نی آرتیریاتگن یونان گه قره ته بیرگن بیاناتیده ایسه, "(یونان) بعضاً 'قوشنی, قوشنی, قوشنی' دیسن. اونده ی بولسه قوشنی چیلیک قیلگین. ناتوغری ایش لر قیلمه.  ناتوغری ایش قیلماقده سن. بونده ی قیلمه. بولمه سه یالغوز بولیب قاله سن" دییه قید ایتدی.

"ایندی بیز نینگ خلق ارا پول فوندی (آی ام اف) بیلن بیر ایشی میز یوق.  بیز اوزی میز گه ییته دیگن بیر اولکه میز" دییه قید ایتگن اردوغان, تورکیه نینگ اوز قیین چیلیک لری نی اوزی ییچه آله دیگن لیگی نی بیلدیردی.