اردوغان تلفن آرقه لی میشل بیلن اوچره شدی

تورکیه جمهوریتی جمهوررئیسی رجب طیب اردوغان, تلفن آرقه لی اوروپا بیرلیگی کینگشی نینگ باشلیغی چارلس میشل بیلن اوچره شدی. 

جمهوررئیسلیک ارتباط لر ریاستی تامانیدن بیریلگن بیانات گه کوره, اوچره شووده, شرقی اورته ییر دینگیزی ده گی وضعیت و تورکیه بیلن اوروپا بیرلیگی اورته سیده گی مناسبت لر توغریسیده سوز یوریتیلگن.

اوچره شووده, اردوغان, یونان و باشقه بعضی اوروپا بیرلیگی اعضاسی اولکه لرنینگ شرقی اورته ییر دینگیزی و ایگه ی (اژه) ده نا تینچ لیک لر نی آرتیره دیگن سیاست لری نینگ آلدی نینگ آلینیشی بوییچه اوروپا بیرلیگی نینگ اوز مسئولیتی نی بجا کیتیریشی کیره ک ایکن لیگی نی معلوم قیلدی. 

اوروپا لیک سیاستچی لرنینگ منطقه مقیاسی ده گی مسئله لر بوییچه تحریک ایتووچی سوز لری و فعالیت لری نینگ مسئله نینگ ییچیلیشی توغریسیده هیچ قنده ی بیر فایده سی نینگ بولمیدیگن لیگی نی معلوم قیلگن اردوغان, اوروپا بیرلیگی نینگ شرقی اورته ییر دینگیزی ده آلیب باره دیگن سیاستی نینگ خلق ارا حقوق و منطقه تینچلیگی جهتی دن بیر صمیمیت سیناوی دن عبارت بوله دیگن لیگی نی بیلدیردی. 

جمهوررئیس اردوغان, اوروپا بیرلیگی و اعضا اولکه لر نی شرقی اورته ییر دینگیزی و منطقه مقیاسیده گی باشقه مسئله لر بوییچه عادلانه و طرفسیز بیر سیاست آلیب باریش گه چقیردی.