تورکیه نینگ ایشلب چیقَرگن مصنوعی تنفس جهازی فایده له نیش گه تیار

تورکیه جمهوریتی ساغلیق نی سقلش وزیری فخرالدین کوجه, تورکیه نینگ ایشلب چیقرگن مصنوعی تنفس جهازی نینگ بوگون دن باشلب کسلخانه لرده فایده له نیش گه تیار ایکن لیگی نی معلوم قیلدی. 

کوجه, استانبول ده گی بشاق شهر کسلخانه سی نینگ آچیلیشی و تورکیه ده ایشلب چیقریلگن کسلخانه لرنینگ جدی مراقبت بولیم لری ده استفاده ایتیله دیگن مصنوعی تنفس جهازی نینگ تسلیم بیریلیشی بوییچه مراسم ده خوددی شوو جهاز حقیده بیانات بیردی. 

کوجه, "حاضرچه 100 ته ایشلب چیقریلدی.  می آیی ده 5 مینگ ته تولید ایتیش نی ریجه له ماقده میز" دییه قید ایتدی. 

کوجه, تورکیه جمهوریتی جمهوررئیسی رجب طیب اردوغان نینگ هم ویدیوکنفرانس آرقه لی اشتراک ایتگن اوشبو محفل ده قیلگن صحبتیده, بشاق شهر کسلخانه سی نینگ بوتون بولیم لری نینگ 15 می ده فعالیت گه باشلیدیگن لیگی نی معلوم قیلدی. 

فخرالدین کوجه, همه بولیم لری نینگ فعالیت گه باشله شی آرتیدن اوشبو کسلخانه نینگ اوروپا نینگ اینگ کوپ جدی مراقبت ظرفیتی گه ایگه شفاخانه سیدن عبارت بوله دیگن لیگی دیگن لیگی نی بیلدیردی.

عینی دمده تورکیه جمهوریتی صنایع و تکنالوژی وزیری مصطفی وارانک هم اوشبو محفل ده قیلگن صحبتیده, می آیی نینگ سونگگی گه قدر بیش مینگ ته مصنوعی تنفس جهازی تولید ایته دیگن لیک لری نی معلوم قیلدی.