جی 20 رهبرلری جلسه سی ویدیو کنفرانس آرقه لی بولیب اوتدی

جمهور باشلیغی رجب طیب ایردوغان، ینگی تور ویروس (کوید 19) موضوعی بوییچه بولیب اوتگن جی 20 رهبرلر جلسه سیگه ویدیو کنفرانس آرقه لی قتنشدی.

ایردوغان اوشبو جلسه گه استانبولده جایلشگن طرابیا حُبر قصریدن اشتراک ایتدی.

ایردوغان نینگ یانیده تشقی ایشلر وزیری مولود چاووش اوغلی، خزینه و مالیه وزیری برات آلبیراق، علاقه باشلیغی فخرالدین آلتون، جمهور رئیسلیک سوزچیسی ابراهیم قلین و جی 20 تورکیه مسؤلی خیرالدین دیمیرجان اورین آلدی.

جی 20 تورکیه، آلمان، امریکا قوشمه ایالتلری، آرژانتین، اوسترالیا، برازیل، چین، اندونزیا، جنوبی افریقا، جنوبی کوریا، انگلستان، ایتالیا، جاپان، کانادا، مکسیکو، روسیه، سعودی عربستان و اروپا کمیسونیدن عبارت دیر.