تورکیه تشقی ایشلر وزیری آلبانیاده بیر بیلیم مرکزی نینگ آچیلیش مراسمی گه قتنه شیب صحبت قیلدی

تورکیه تشقی ایشلر وزیری مولود چاووش اوغلی توناون کونی آلبانیانینگ پایتختی تیرانده تورکیه معارف بنیادی گه باغلیق نیویورک تیران بیلیم یورتی بالقان تیکشیروو مرکزی نینگ آچیلیش مراسمی گه قتنشدی.

چاووش اوغلی بو مراسمده قیلگن صحبتیده، بالقان تیکشیروو مرکزی نینگ تورکیه بیلن آلبانیا اورته سیده گی قرینداشلیک مناسبتی نینگ سمبولی بولگنی گه اشاره قیلیب، بو مرکز بیلن بالقان تاریخی، ادبیاتی، مدنیتی و سیاستی توغریسیده چوقور تحقیق قیلینه جگینی ایتدی.

بالقانلرنینگ تورکیه اوچون اهمیتی گه تماس قیلگن چاووش اوغلی، آلبانیا بیلن تورکیه نینگ ناتو متفقی ایکن لیگی گه و اوز ارا همکارلیک نی اورغوله دی.

چاووش اوغلی جنابلری، عیندمده آلبانیاده 26 نوامبرده یوز بیرگن ییر قیمیرلش اوچون قیغوداشلیک بیلدیردیب، تورکیه نینگ دستلبکی یاردم ییتکیزیب بیرگن ایلک اولکه لردن ایکن لیگینی ایسلتیب اوتدی.

 چاووش اوغلی، آلبانیاده گی اوچره شوولری چوکاتیده بو جایده حیات کیچیریب تورگن تورک وطنداشلری بیلن اوچره شدی.