جمهور باشلیغی ایردوغان عیسوی عالمی نینگ کریسمس بیره می مناسبتی بیلن قوتلاو پیامی ترقه تدی

علاقه ریاستیدن بیریلگن بیانات گه کوره، جمهور باشلیغی رجب طیب ایردوغان، عیسوی لیک اعتقادی گه منسوب وطنداشلرنینگ 24 دسامبر کریسمس بیره می مناسبتی بیلن قوتلاو پیامی ترقه تدی.

ایردوغان پیامیده ؛

"قدیم تاریخیمیزدن آلگن الهام بیلن کیلیب چیقیشی، عرقی، مذهبی، اعتقادی گه قره مه ی برچه وطنداشلریمیزنینگ اوز مدنیت، دین و عنعنه لرینی ایرکین لیک بیلن یششلریگه کتته اهمیت بیرماقده میز.

تورلی لیکلرنی کوریب، صمیمیت، حرمت و عدالت نینگ بیرلیک و بیردم لیگیمیزنینگ اساسی بولگن لیگینی درک ایتیب کیلجک که باره میز. تینچ لیک ایچیده بیر جایده یشب، بو جغرافیه ده مشترک کیلجگ بنا قیلیش اوچون اورونیشلریمیزنی دوام ایتتیره میز.

فرقلی مذهب، عنعنات و کلیسه لرگه منسوب عیسوی وطنداشلریمیزنینگ اوز اعتقادلریگه کوره نشانله گن کریسمس جشنی نینگ همجهتلیک و صمیمیت اقلیمی نینگ رواجلنیشی گه سبب بولیشینی خواهله یمن. عیسوی وطنداشلریمیز قاله ویرسه برچه عیسوی عالمی نینگ کریسمس بیره مینی قتله یمن" دیب افاده ایتگن.