ایردوغان بیرلشگن ملتلر تشکیلاتی نینگ تیزیمینی تنقید ایتیب ناراضی چیلیک بیلدیردی

جمهور باشلیغی رجب طیب ایردوغان، بیرلشگن ملتلر تشکیلاتی خوفسیزلیک کینگشی نینگ ساختارینی تنقید ایتدی.

استانبول کنگره مرکزیده اویوشتیریلگن 35- اسلام همکارلیک تشکیلاتی اقتصادی و تجارت همکارلیگی دائیمی کینگشی (COMCEC) وزیرلر جلسه سیده صحبت قیلدی.

ایردوغان بو صحبتیده، "یوز بیرگن دردلرگه چاره تاپالمه گن بیرلشگن ملتلر تشکیلاتی بشریت نینگ معماسیگه ییچیم تاپالمه یدی" دیدی.

ایردوغان جنابلری، " بیرلشگن ملتلر تشکیلاتی خوفسیزلیک کینگشی اعضالری، دائیمی اعضالرینی ایته من، 5 ته سی نینگ ایچیده بیرته خلقی مسلمان بولمیش مملکت یوق دیر. 2- جهان حربیده غلبه قازانگن لری تامانیدن قوریلگن بو عدالت سیز تیزیم نینگ دوام ایتیشی ممکن ایمس دیر. خلق ارا خوفسیزلیک تیزیمی نینگ بوگونگی شرطلرگه کوره ماسلشتیریش شرط دیر. بیرلشگن ملتلر تشکیلاتی خوفسیزلیک کینگشی نینگ ساختاری، جهان نفوسی نینگ جغرافی و دینی ترقه لیشینی نظرده توتگن حالده قیته دن تعیینلشتیریش کیره ک" دیب ایتدی.

ایردوغان توناون آلبانیاده یوز بیرگن ییر قیمیرلش حادثه سیده یاره لرگه مرحم بولیش اوچون "یاردم گه حاضرمیز" دیب پیام بیردی.

اسلام عالمینی آلبانیاده همکارلیک اوچون دعوت قیلگن ایردوغان،

"زلزله خبرینی آلگندیک، توناون کیچه آلبانیا باش وزیری ایدی رماگه قونغراق قیلیب قیغوداشلیک بیلدیردی. آفاد و قیزیل آی جمغرمه لریمیز بیلن اوچاق آرقه لی بارگن یاردم موادلری نینگ بیر بولیمی آلبانیاگه ییتکیزیلدی.

یاردم تیرللری نینگ هم کون جریانیده ییتیب باریشی گه ایشانه من.

بو جایدن سیزلر آرقه لی اسلام عالمینی آلبانیانی قولب- قوتلش گه دعوت قیله من" دیدی.