ایردوغان مملکت گه قیتیب کیلدی

تورکیه جمهور باشلیغی رجب طیب ایردوغان، تورکیه – صربستان سوقاری سویه لی همکارلیک کینگشی نینگ ایککینچی جلسه سیگه قتنه شیش اوچون بارگن صربستاندن تورکیه گه قیتیب کیلدی.

جمهور باشلیغی ایردوغان و همراهیده گی هئیت نی تشووچی اوچاق تورکیه وقتی بیلن کیچقرون 21:50 ده انقره ایسین بوغه قونلغه سیگه کیلیب قوندی.

ایردوغان و هیئت نی قونلغه ده جمهور باشلیغی اورینباسری فواد اوکتای، ایچکی ایشلر وزیری سلیمان سویلو، انقره ولیسی واسب شاهین و انقره امنیه آمری سرود ییلمیز کوتیب آلدی.

ایردوغان بیلن تورموشی امینه ایردوغان، خزینه و مالیه وزیری برات آلبیراق، ملی مدافعه وزیری خلوصی آقر، چاروادارلیک و اورمان وزیری بکر پاکدیمیرلی، ترانسپورت و زیربنا وزیری جاهد تورخان، جمهور رئیس لیک علاقه لر رئیسی فخرالدین آلتون و جمهور رئیس لیک سوزچیسی ابراهیم قلین هم انقره گه کیلدی.