ایردوغان نیویورکده بیر قطار پروگراملرگه قتنه شیب سوزگه چیقدی
فتح الله چی ترور تشکیلاتی حقیده گپیردی
تورکیه جمهور باشلیغی رجب طیب ایردوغان، فتح الله چی ترور تشکیلاتی نینگ اصل یوزی نینگ برچه دنیاگه افشا قیلیش گه قرارلی ایکن لیکلرینی بیلدیردی.
بیرلشگن ملتلر تشکیلاتی نینگ عمومی کینگشی گه قتنه شیش اوچون امریکا قوشمه ایالتلری نینگ نیویورک شهریگه بارگن ایردوغان اوچره شوولرگه باشله دی.
بوجایده شرق – غرب انستیتوتی تامانیدن اویوشتیریلگن جلسه گه اشتراک ایتدی. تورکیه – امریکا ملی باشقروو کمیته سی تامانیدن اویوشتیریلگن محفلده سوزگه چیقدی.
ایردوغان جنابلری، 2016 – ییلی 15 – جولای تونتروو تشبثیدن مسؤل فتو بیلن تیگیشلی قیلگن فعالیتلری حقیده معلومات بیردی.
"فتو باشقرووچیسی نینگ تسلیم ایتیلیشی اوچون و امریکا قوشمه ایالتلریده گی برچه فعالیتلری نینگ نهائی بولیشی اوچون فعالیتلر آلیب باردیک، ینه هم دوام ایته میز. سیزلرنینگ همکارلیگینگیز بیلن بو ترور تشکیلاتی نینگ اصل یوزینی افشا قیله میز" دیدی.
امریکا قوشمه ایالتلریده گی مسلمانلرگه خطاب قیلگن ایردوغان، داعش و فتو کبی ترور تشکیلاتلری نینگ امپریالیستلرگه همکارلیک قیلگنینی ایتدی.
ایردوغان جنابلری؛
"منفعتلری اوچون منطقه میزگه اوت تشلب یاققن لرنینگ منفعتلرینی قوریقلش اوچون ترور تشکیلاتلریگه تیلرلرنی تولدیریب قورال بیرگنلرنینگ مسلمانلردن آققن قانده قولی بولگنینی یخشی بیله میز" دیب ایتدی.
تورکیه یاشلر و معارف گه خذمت بنیادی نینگ نیویورکده قورگن تعلیم بوییچه فعالیت قیلووچی (تورکن) بنیادیده یاش – ییگیتلرگه خطاب قیلدی.
"15- جولای کونی – کیچه اوز ملتینی بمباردمان قیلگن منقورتلر کبی عقلینگیزدن و قلبینگیزدن باشقه لرنینگ فایده لنیشی گه رخصت بیرمنگلر" دیدی.
ایردوغان دولت اوله راق برچه یاشلرنینگ یانیده ایکن لیکلرینی اورغوله دی.
علاقه لی ینگی لیکلر
ایردوغان بیزنینگ اورونیشیمیز طفیلی دنیاده آچلیک یوز بیرمه دی
تورکیه جمهور باشلیغی رجب طیب ایردوغان استانبول ده اویوشتیریلگن ییغینیده سوزگه چیقدی
تورکیه – قزاقستان جمهور باشلیغلری اوزارا سوزلشوو اوتکزدی
ایککی کسبداش نینگ تیلفون آرقه لی سوزلشوو اوتکزگن لیکلری بیلدیریلدی