عراق ده تورک دیپلمات نی شهید قیلگن ترورچی نینگ کیم ایکن لیگی انیقلندی

چهارشنبه کونی عراق نینگ شمالیده جایلشگن اربیل شهریده بیر رستورانت ده اویوشتیریلگن تروریستی هجوم نینگ فاعل لریدن بیری نینگ کیم ایکن لیگی انیقلندی. 

اوشبو هجوم عاقبتیده تورکیه نینگ اربیل باش قونسلگرلیگی دن بیر دیپلمات شهید بولگن ایدی. 

عراق نینگ شمالیده گی محللی رهبریت نینگ امنیه قوماندان لیگی تامانیدن بیریلگن یازمه بیاناتده, تورکیه نینگ اربیل باش قونسلگرلیگی دیپلماتی نینگ شهید قیلینگن و عراق تبعه سی ایککی کیشی نینگ ایسه جان بیرگن اوشبو هجوم نینگ فاعل لری دن بیری نینگ کیم ایکن لیگی نینگ انیقلنگن لیگی بیلدیریلدی.

بیاناتده, خوددی شوو کیشی نینگ 1992- ییلده تورکیه نینگ دیاربکر ولایتیده توغیلگن مظلوم داغ ایکن لیگی معلوم قیلیندی. 

هجومچی نینگ عکس لری نی هم نشر قیلگن امنیه قوماندان لیگی, اوشبو کیشی حقیده معلومات ایگه سی بولگن کیشی لر نی خوفسیزلیک کوچ لری گه خبر بیریش گه چقیردی. 

بیاناتده, خوفسیزلیک کوچ لری نینگ اوشبو هجومچی نینگ اوشله نیشی بوییچه سعی و حرکت لری نینگ دوام ایتیاتگن لیگی بیلدیریلدی.