تورک عالی بیلیم یورت لری افغانستان ده تَنیشتیریلدی

تورکیه و شمالی قبرس تورک جمهوریتیده فعالیت آلیب باریاتگن 8 عالی بیلیم یورتی, افغانستان پایتختی کابل ده "تورک عالی بیلیم یورت لری نی تنیشتیریش کورگزمه سی" دایره سیده افغانستان لیک اوقووچی لر بیلن تنیشتیریلدی. 

اوشبو کورگزمه نینگ افتتاحیه مراسمی گه اشتراک قیلگن تورکیه نینگ کابل ایلچیسی اوغوزخان ارطغرول, کورگزمه ده گی غرفه لر نی کوریب چیقیب مسئول لردن معلومات آلدی. 

کورگزمه مسئولی محمد ارال, تورکیه و شمالی قبرس تورک جمهوریتیده فعالیت آلیب باریاتگن 8 عالی بیلیم یورتی نینگ اشتراکی بیلن پایتخت کابل ده بیر کورگزمه ترتیب له گن لیک لری نی بیلدیردی. 

تورکیه گه اینگ کوپ اوقووچی یوباریاتگن اولکه لر آره سیده افغانستان نینگ بیشینچی اوریننی ایگلله گن لیگی نی بیلدیرگن ارال, بیرینچی مرته کابل ده ترتیب لنگن اوشبو کورگزمه بیلن افغانستان لیک اوقووچی لرنی تورکیه و شمالی قبرس تورک جمهوریتی ده اوقیش گه تشویق قیلیش گه حرکت قیلیاتگن لیک لری نی ایسله تیب اوتدی. 

ارال, تحصیل آرقه لی تورکیه و افغانستان اورته سیده گی مناسبت لر نی ینه ده مستحکم لشتیریش نی هدف قیلیب آلگن لیک لری نی بیلدیردی.