جمهوررئیس اردوغان جاپان امپراطوری بیلن اوچره شدی

تورکیه جمهوریتی جمهوررئیسی رجب طیب اردوغان, تورکیه بیلن جاپان اورته سیده گی تقریباً 150 ییللیک دوستلیک نی ینه ده مستحکم لشتیرگن لیک لری نی بیلدیردی. 

جی 20 رهبر لر ییغیلیشی گه اشتراک قیلیش اوچون جاپان گه تشریف بویورگن جمهوررئیس اردوغان خوددی شوو ییر نینگ اوزیده جاپان امپراطوری ناروهیتو بیلن اوچره شدی. 

اوشبو اوچره شوو گه جمهوررئیس اردوغان نینگ عیالی امینه اردوغان هم اشترک قیلدی.

لیبرال دموکرات حزبی نینگ عمومی سکرتری و جاپان – تورکیه پارلمنتر لر ارا دوستلیک گروپی نینگ باشلیغی توشیهیرو نیکای تامانیدن ترتیب لنگن ضیافت گه هم اشتراک قیلگن جمهوررئیس اردوغان, خوددی شوو ضیافتده قیلگن صحبتیده جاپان گه قیلگن سفری نینگ جوده موفقیتلی بولیب اوتگن لیگی نی بیلدیردی. 

فقط گینه سیاسی و اقتصادی ایمس, بلکه فرهنگی جهت دن هم ایککی اولکه اورته سیده جدی ظرفیت نینگ موجود ایکن لیگی نی بیلدیرگن اردوغان, " ایککی اولکه اورته سیده گی اینگ مهم پروژه لردن بیری استانبول ده قوریلیشی ریجه لنگن تورک – جاپان بیلیم و تکنالوژی عالی بیلیم یورتی دن عبارت.  اوشبو عالی بیلیم یورتی نینگ قیسقه بیر مدت مابینیده فعالیت گه باشله شی اوچون سعی و حرکت قیله میز" دییه قید ایتدی. 

جمهوررئیس اردوغان, جاپان ده 2019 – ییل نینگ تورک فرهنگی ییلی اوله ارق اعلان قیلینگن لیگی نی بیلدیررایکن, "ییل دوامیده ترتیب له نه دیگن پروگرام لر بیلن تورکیه نینگ بای فرهنگی نی جاپان لیک دوست لری میز گه تانیتیش نی ریجه له ماقده میز" دییه قید ایتدی. 

اردوغان, جغرافی جهت دن اوزاق ایکن لیگی گه قره مسدن ایککی اولکه نینگ فرهنگی نقطه نظری دن اورتاق تامان لری نینگ موجود ایکن لیگی نی معلوم قیلرایکن, عایله گه اهمیت بیریش, حرمت, محنتکش لیک, کوره ش, باطورلیک و دسیپلین نینگ تورک و جاپان خلقی نینگ مشترک تامان لری دن عبارت ایکن لیگی نی بیلدیردی. 

اوشبو ضیافت گه, جمهوررئیس اردوغان بیلن بیرگه تشقی ایش لر وزیری مولود چاووش اوغلی, خزانه و مالیه وزیری برات آلبیرق, فرهنگ و توریزم وزیری محمد نوری ارسوی, ملی مدافعه وزیری خلوصی آقر, تجارت وزیری رخسار پیکجان و جمهوررئیسلیک مطبوعات دفتری نینگ باشلیغی فخرالدین آلتون هم اشتراک قیلدی.