تورکیه نینگ تاریخی ماردین شهری حقیده قیسقه معلومات

تورکیه نینگ ماردین شهری, فرهنگی ساختاری و جغرافی موقعیتی جهتی دن آلیب قره گنده اینگ فرقلی شهرلردن بیری نی تشکیل ایتماقده.  اوشبو شهر تورکیه نینگ جنوبشرقی انادولو منطقه سیده اورین آلماقده.  میزوپوتامیا یقینیده اورین آلگن خوددی شوو شهر, اوزی گه خاص تاریخی میراثی بیلن دقت لر نی جلب ایترایکن, سیاح لر گه شرق نینگ اوتمیشی حقیده معلومات بیرماقده. 

دجله و فرات دریا لری نینگ آره سیده اورین آلگن ماردین, فرقلی فرهنگ لر و عقیده لر نی اوز بغری گه باسگن تاریخی بیر شهردن عبارت.  اوشبو شهرده انسان لرنینگ مسکونی حیاتی نینگ 3000 ییل آلدین باشله گن لیگی گه ایشانیلماقده.  اوشبو شهر آسوری لر, هیتیت لر, اورارتو لر و ماد لر نینگ حاکمیتی آستیده بولگن.  کیین انادولو نی قول گه کیریتگن روم لیک لرنینگ قولیگه توشگن. اوشبو تاریخ دن کیین ایسه بیزانس لیک لر آرتیدن 11 – عصرده تورک توپراق لری نینگ بیر بولگی بولگن اوشبو شهر. 

ایپک یولیده اورین آلگن ماردین, یوقاری میزوپوتامیا نینگ اینگ قدیمی مسکونی نقطه لریدن بیری نی تشکیل ایتماقده.  اوشبو شهر ده اینگ کوپ سریق آهک تاش دن قوریلگن اوی لر دقت لر نی اوزی گه تارتماقده.  جهان بویلب مشهور بولگن اوشبو اوی لر نینگ ایشیک لری ایسه میزوپوتامیا تامانی گه قره ماقده.  خوددی شوو اوی لر تپه نینگ ایگیلگن تامانیده قوریلگن لیک لری اوچون فقط گینه ایککی قواتلی بولگن خلاص.  باشقه بیر تاماندن ایسه بیر اوی نینگ باشقه بیر اوی نینگ قویاشی گه توسیق بولمیدیگن شکلده قوریلگن اوشبو ساختمان لر.  آهک تاش دن قوریلگن اوی لرنینگ قیشده ایسسیق و یاز موسمیده ایسه ساووق ایکن لیگی بیلینماقده.  سریق آهک تاش  گه قویاش نینگ عکس ایتیشی نتیجه سیده شهر سریق بیر رنگ کسب ایتماقده.  شوباعث ماردین "قویاش نینگ شهری" اوله راق بیلینماقده. 

اوستی آچیق بیر موزیم گه اوخشه گن ماردین شهریده باریب کوریلیشی کیره ک بولگن کوپلب جای لر موجود.  خوددی شوو جای لردن بیری هم دارا انتیک شهریدن عبارت.  ماردین نینگ اوزی کبی سابق میزوپوتامیا نینگ اینگ قدیمی مسکونی نقطه لریدن بیری بولگن دارا, اینیقسه 40 متر چقورلیکده گی ییر آستی شهری بیلن انسان لرنی حیرت گه سالماقده.  اوشبو شهر نینگ تیگیرمانی, کلیساسی, بازاری و سوو مخزنی هم موجود. 

دَیرالزعفران صومعه سی ماردین نینگ سمبولی گه ایله نیب قالگن بیر مرکز دن عبارت...5- عصرده قوریلیب حاضرگی کونده گی شکلی نی کیینگی ییل لرده قیلینگن قوشیمچه لر بیلن کسب ایتگن خوددی شوو صومعه, سریانی اورتدکس لری نینگ دینی مرکز لریدن بیری بولیب کیلگن.  حاضرگی کونده هم معبد اوله راق استفاده ایتیلماقده. 

اولوغ جامع مسجدی, ماردین نینگ مرکزی ده گی اینگ مهم اثر لردن بیری نی تشکیل قیلماقده. انادولو نینگ اینگ قدیمی مسجد لری دن بیری بولگن اولوغ جامع مسجدی 12 – عصرده قوریلگن.  احتشاملی مناره سی بیلن شهر نینگ اینگ مهم مرکزی نی تشکیل ایتماقده.  شهیدیه, ملک محمود, لطیفیه و نجم الدین جامع مسجد لری هم اوشبو شهر نینگ مهم تاریخی اثر لری آره سیده اورین آلماقده. 

زنجیریه مدرسه سی, 14- عصردن بیری اوز موجودیتی نی دوام ایتتیریب کیلگن اینگ مهم تاریخی اثر لردن بیری نی تشکل ایتماقده... قیزیق بیر حکایه سی هم بار اوشبو مدرسه نینگ.  خوددی شوو مدرسه نی قوردیرگن عیسی بیگ, اوروشده مغلوب بولیشی آرتیدن معلوم بیر مدت اسیر بولیب اوشبو مدرسه ده یشش گه مجبور بولیب قالگن. 

یقین تاریخده قوریلگن قاسمیه مدرسه سی, فعال بولگن پیتده منطقه نینگ اینگ مهم تعلیم مرکز لریدن بیری بولیب کیلگن.  مسجد و تربت دن تشقری, 23 صنفی هم بولگن اوشبو مدرسه, بیر معارف و بیلیم مجتمع سی اوله راق قوریلگن. 

تورکیه نینگ ماردین ولایتی نینگ میدیات تومنیده اورین آلگن مور گابریال صومعه سی, قدیم سریانی جماعتی نینگ مشهور و کتته اثرلریدن بیری نی تشکل ایتماقده.  اوشبو صومعه دنیا نینگ حاضرگی کونده موجود بولگن اینگ قدیمی سریانی اورتدکس صومعه سیدن عبارت.  تهدابی 397 – ییلده قویلرایکن, صومعه نینگ ساختمانی ایشلری ایسه قیسقه مدت مابینیده تکمیل بولگن.  کیین چه لیک تاریخ دوامیده ایچی و تشقریسی گه قوشیمچه لر قیلینگن. 

مور بنهام یاکه باشقه بیر آتی بیلن قیرقلر کلیساسی, 6- عصرده قوریلگن.  اوشبو کلیسا قونغیراق بُرجی و اوزی گه خاص بیزه ک لری بیلن دقت لر نی اوزی گه جلب ایتماقده. ماردین نینگ 13 – عصر نینگ سونگگیده سریانی لرنینگ مرکزی بولیشی آرتیدن, خلق نینگ روحانی و اداری ایش لری اوشبو کلیسا دن باشقریلگن. 

ماردین مدرسه لری, جامع مسجد لری, کلیسا لری و صومعه لری بیلن اوشبو جغرافیه ده فرقلی دین لر گه منسوب بولگن کیشی لرنینگ بیر یقه دن باش چیقاریب کیلگن لیگی نی کورسه تیب بیرماقده.  سابق زمان لرنی جانلتیریاتگن کوچه لر, تاش اوی لر, شهر گه حاکم بولگن قلعه, تاریخی بازار لر, قهوه خانه لر سیز نی تاریخ دنیا سی گه سفر قیلیش گه اونده ماقده. 

حاضرگی کونده دنیا نینگ کوپلب اولکه لریدن سیاح لرنینگ کیلیاتگن ماردین گه باریشینگیز تقدیرده, مهم اثر لر موجود بولگن ماردین موزیمی و ماردین ولایتی نینگ میدیات تومنی نی هم باریب کوریشینگیز نی توصیه ایتیب قاله میز. 

ماردین ده زرگر لر کومیش دن جوده هم چیرایلی تقینچاق لر ایشلب چیقارماقده.  اوشبو تقینچاق لردن آلیش نی و خوددی شوو شهر نینگ مشهور طعام لریدن ییش نی هم اونوتمنگ لطفاً.