ایردوغان بیلن دونالد ترامپ تیلفون آرقه لی اوچره شوو اوتکزدی
جمهور رئیس لیک مطبوعات مرکزیدن معلومات بیریلدی
![ایردوغان بیلن دونالد ترامپ تیلفون آرقه لی اوچره شوو اوتکزدی](http://cdn.trt.net.tr/images/xlarge/rectangle/6d88/6577/dc44/5bdbf16a5addb.jpg?time=1718074461)
تورکیه جمهور باشلیغی رجب طیب ایردوغان بیلن امریکا قوشمه ایالتلری دولت باشلیغی دونالد ترامپ نینگ تیلفون آرقه لی ملاقات قیلگن لیکلری بیلدیریلدی.
جمهور رئیس لیک مطبوعات مرکزیدن بیریلگن بیاناتگه کوره، اوشبو اوچره شووده اوزارا مناسبت سوریه گی ینگی لیکلر قولگه آلینگن. منبج و ادلب بیلن تیگیشلی فکر المه شووی عملگه آشیریلگن.
ایککی رهبر اوزارا قاله ویرسه منطقوی موضوعلرده کیلگوسی جریانده هم یقین تماس قوریش توغریسیده کیلیشگن لیکلری معلوم قیلیندی.
ایردوغان جنابلری بو اوچره شوو وسیله سی بیلن پیتزبورگ شهریده گی سیناگوگده اویوشتیریلگن هجومنی قاره لب حادثه ده جان بیرگنلرنینگ عایله لریگه باش ساغلیگی و یره لی لرگه تسلیت بیلدیرگن.
آق اوی ایسه بو اوچره شوو بیلن تیگیشلی اوله راق ایککی رهبرنینگ سوریه توغریسیده بیرلیکده فعالیت آلیب باریش موضوعسینی قولگه آیگن لیکلرینی بیلدیردی.
آق اوی سوزچیسی ساره سندرس، بیرگن یازمه بیاناتیده؛
"دولت باشلیغی دونالد ترامپ، تورکیه جمهور باشلیغی رجب طیب ایردوغان بیلن تیلفون آرقه لی اوچره شدی. ایککی رهبر اینیقسه سوریه توغریسیده گی ارتباطلی فعالیت موضوعسینی قولگه آلدیلر. جمهور باشلیغی ایردوغان، پیتزبورگده گی سیناگوگده یوز بیرگن تلفات اوچون تسلیت بیلدیردی" دیب ایتدی.
علاقه لی ینگی لیکلر
![آذربایجان جمهور باشلیغی تورکیه گه تشریف بیوردی](http://cdn.trt.net.tr/images/medium/rectangle/d215/80c8/93bc/6666e76aeaab5.jpg?time=1718074462)
آذربایجان جمهور باشلیغی تورکیه گه تشریف بیوردی
الهام علی یف بیلن ایردوغان پایتخت انقره ده اوزارا اوچره شوو اوتکزه دی