تورکیه قوراللی کوچلری تامانیدن آلیب باریلگن عملیاتلر بیلن تیگیشلی معلومات بیریلدی

تورکیه قوراللی کوچلری تامانیدن سونگی بیر هفته جریانیده آلیب بارگن عملیاتلرده 7 کیشی بولووچی ترور تشکیلاتی پی کاکا نینگ باشقرووچی کدرلریدن بولمیش لر داخل توپلم 52 کیشی تروریست تاثیرسیز وضعیت گه کیلتیریلدی.

قوراللی کوچلر قومندان لیگی 10-16 اگست تاریخلری آره سیده آلیب باریلگن عملیاتلر بیلن تیگیشلی معلومات بیردی.

شونده ی قیلیب، تورکیه نینگ شیرناق و سییرت ولایتی بیلن عراق نینگ شمالی گه قره ته اویوشتیریلگن عملیاتلرده ترور تشکیلاتی پی کاکا نینگ باشقرووچی کدرلریدن بولمیش لر داخل توپلم 52 کیشی تروریست تاثیرسیز وضعیت گه کیلتیریلدی.

تاثیرسیز وضعیت گه کیلتیریلگن لر آره سیده تروریست گروهی نینگ اوزیچه عراق نینگ سینجار منطقه مسؤلی هم موجود ایکن لیگی بیلدیریلدی.

قیدیروو – تیکشیروو فعالیتلری دایره سیده؛ تروریستلردن کوپ سانده قورال قولگه آلیندی و 41 عدد قول بمبی خنثی قیلیندی.

سوریه نینگ تروریستلردن تمیزلنگن عفرین منطقه سیده زیتون یاله سی حرکاتیده تاثیرسیز وضعیت گه کیلتیریلگن جنگری سانی ایسه 4 مینگ 573 گه باردی.

18 - مارچ آییده عفرین تماماً کنترول آستی گه آلینگندن بیری 263 ماین بیلن 1 مینگ 381 قول بمبی تثبیت ایتیلیب خنثی قیلیندی.