ترور تشکیلاتلری پی کا کا/پی وای دی- وای پی جی و داعش آره سیده گی ارتباط

ترور تشکیلات لری پی کا کا/پی وای دی- وای پی جی و داعش نینگ آره سیده یوز بیرگن توقنه شوولردن بیر کون کیین, منفعت دایره سیده بیر بیر لری بیلن ارتباط قورگن لیکلری کورینرایکن, خودی منه شوو ارتباط لر بیلن علاقه لی ایریم خصوصلر انعکاس ایتدی. 

پی کاکا/پی وای دی- وای پی جی بیلن داعش آره سیده گی ارتباط لر بوییچه اینگ مهم مثال؛ پی کاکا/پی وای دی- وای پی جی نینگ الرقه شهری نی قولگه کریتیاتگن پیتده, داعش بیلن بولگن کیلیشوو دایره سیده داعش ترورچی لری نینگ موتر لر گه میندیریلیب الرقه دن چیقاریلگن لیک لری گه تیگیشلی تصویر لر نینگ پیدا بولگن لیگی دن عبارت. میلادی 2014 نچی ییلی جنوری آیی نینگ 15 نچی کونیده اشغال ایتگن و ترور تشکیلاتی داعش نینگ سوزده پایتختی بولگن الرقه, میلادی 2017 نچی ییلی اکتوبر آیی نینگ 17 نچی کونیده امریکا قوشمه ایالتلری و خلق ارا ائتلاف نینگ سلاح دن تشقری زمینی و هوائی حمایه سی نی هم کسب ایتگن پی کاکا/پی وای دی- وای پی جی نینگ کنترولی گه اوتدی.  الرقه نینگ قولگه کیریتیلیشی جریانیده؛ پی کاکا/پی وای دی- وای پی جی بیلن داعش اورته سیده گی کیلیشوو دایره سیده؛ امریکا قوشمه ایالتلری و خلق ارا ائتلاف گه معلومات بیریلیشی آرتیدن داعش ترورچی لری موتر لر گه میندیریلیب اولر جهتی دن امنیت منطقه لردن بولگن مرقده, صوار و دیرالزور گه انتقال ایتتیریلدی.  اوشبو کیلیشوو و داعش ترورچی لرنینگ انتقال ایتتیریلیشی بیلن علاقه لی خبر لر بی بی سی ژورنالستی کونتین سومرویل و ریام دالات تامانیدن تیارلنگن ایدی. 

الرقه ده پی کاکا/پی وای دی- وای پی جی و داعش اورته سیده بولگن کیلیشوو امریکا قوشمه ایالتلری و خلق ارا ائتلاف مسئول لری تامانیدن هم قبول قیلینگن وضعیتده.  پنتاگون سوزلاوچی لریدن بیری بولگن ایریک پاهون اوشبو کیلیشوو نینگ عادی اهالی نینگ ضرر کورمسلیگی اوچون مطرح بولگن لیگی نی ادعا قیلرایکن, "اورتاق لری میز بیلن هردایم موافق بولمسلیگی میز ممکن.  بیراق اولر نینگ اوز قیین چیلیک لری گه ییچیم یولی تاپیش لری گه حرمت کورسه ته میز" دییه قید ایتگن ایدی. عینی دمده خلق ارا ائتلاف سوزلاوچیسی دگروال ریان دیللون هم تویتر آرقه لی بیرگن بیاناتیده اوشبو کیلیشوو نینگ یاشیرینچ ایمس لیگی نی بیلدیرگن ایدی.

میلادی 2017 نچی ییلی نوامبر آیی نینگ 15 نچی کونیده تورکیه گه تسلیم بولگن و کیین چه لیک انگلستان نینگ تایم نیوز روزنامه سی بیلن مصاحبه قیلگن اس دی جی سوزلاوچیسی طلال سیلو, اس دی جی نینگ, الرقه دن آلدین خودی منه شوو کیلیشوو نی منبچ ده امضاله گن لیگی نی بیلدیردی. سیلو, پی وای دی/ وای پی جی ترورچی لری نینگ منبچ دن چیققن داعش ترورچی لری گه اوز کنترول لری آستیده گی منطقه لردن اوتیش لری اوچون 200 دالر دن باشله گن نرخ بیلن اوتیش کاغذی ساتگن لیک لری نی معلوم قیلدی. اس دی جی قوماندانی شاهین جیلو نینگ امریکا قوشمه ایالتلری بیلن کیلیشب آلگن لیگی و منبچ نینگ آلینگن لیگی نینگ اعلان ایتیلیشیدن آلدین 2 مینگ نفر داعش ترورچیسی نینگ شهر دن چیقیب کیتیشی گه اجازت بیریلگن لیگی نی معلوم قیلگن سیلو, امریکا بیلن اس دی جی نینگ موافقه قیلیب داعش ترورچی لری نینگ جرابلس گه کیتیش لری گه اجازت بیریلگن لیگی نینگ, امریکا بیلن اس دی جی اورته سیده گی ایلک کیلیشوو دن عبارت بولگن لیگی نی بیلدیردی.  باشقه بیر کیلیشوو نینگ فرات دریاسی نینگ اوستیده اورین آلگن الطبقه ده بولگن لیگی نی بیلدیرگن طلال سیلو, شاهین جیلو نینگ, پی وای دی/ وای پی جی – اس دی جی نامیدن امریکالیک لر بیلن صحبت ایتیشی آرتیدن داعش ترورچی لری نینگ امنیت بیر شکلده چیقیش لری گه اجازت بیریلگن لیگی نی معلوم قیلدی. اوشبو دایره ده, پی وای دی/ وای پی جی بیلن داعش اورته سیده بیر منفعت ارتباطی نینگ موجود ایکن لیگی نی ایسله تیب اوتیشی میز نینگ ممکن ایکن لیگی کورینماقده.

طلال سیلو, انادولو آژانسی بیلن قیلگن مصاحبه سیده ایسه پی کا کا نینگ دیرالزور و حسکه ده گی پطرول دن قنده ی قیلیب استفاده ایتیاتگن لیگی گه تیگیشلی سئوال گه ایسه قوییده گیچه جواب قیتردی: "وای پی جی و پی کا کا, میلادی 2012 نچی ییلیده رمیلان ده گی پطرول قودوقلرینی قولگه کیریتیشی آرتیدن اوشبو قودوق لردن استفاده ایته باشله دی. آلدین اوشبو پطرول لر, داعش تامانیدن صادر ایتیلماقده ایدی. پی کا کا نینگ الجزیره ده گی مالی مسئولی علی شیر, قامیشلی ده یشه ماقده. پی کا کا نینگ باشلیق لری بیلن بیواسطه ارتباطی بار. پطرول بیلن علاقه لی کیلیشوو امضالش صلاحیتی گه ایگه کیشی دن عبارت.  قولگه کیریتیلیاتگن پول مقداری نی فقط گینه او بیله دی. بو پی کا کا نینگ یاشیرینچ بیر نرسه سیدن عبارت.  علی شیر ,  میلادی 2012 نچی ییلیدن بیری پطرول نی تشقری گه ساتماقده.  آلدین پطرول فقط گینه داعش منطقه لریدن ساتیلماقده ایدی.  رژیم اردوسی نینگ منصبداری القاطرجی, پی کا کا دن پطرول آلینیشی بوییچه مسئول کیشی دن عبارت.  حتی شاهین نینگ هم اوشبو ایشگه اره له شیش حقی نینگ بولمه گن لیگی نی بیلدیردیلر.  پطرول موضوعی ترور تشکیلاتی نینگ یاشیرینچ بیر ایشیدن عبارت.  سوره ب سوره ب آزگینه بیلگی ایگه سی بولدیم.  ساتیلگن پطرول نینگ پولی, لبنان بانک لریده اوز لری گه یقین بعضی کیشی لرنینگ حساب لری گه انتقال ایتتیریلماقده ایدی. کیین چه لیک اوشبو پول اوروپا گه یوباریلماقده ایدی.  اوشبو کیشی لرنینگ همه سی پی کا کا منسوبلریدن عبارت.  خودی منه شوو موضوع کتته بیر مسئله نی تشکیل ایتماقده. هر کون یوزلب تانکر پطرول انتقال ایتتیریلماقده".

کیین چه لیک پی کاکا/پی وای دی- وای پی جی نینگ دیرالزور منطقه لرینی هم اشغال ایتیش گه حرکت ایتیشی آرتیدن ترور تشکیلاتی داعش نینگ هیچ قنده ی بیر مقاومت کورستمسدن ستراتیژیک منطقه لرنی پی کاکا/پی وای دی- وای پی جی گه تشلب کیتگن لیگی هم دقت گه سزاوار بیر موضوع نی تشکیل ایتماقده.

پی کاکا/پی وای دی- وای پی جی دیرالزور شهری نینگ شرقیگه قره تیلگن هجوم لری جریانیده؛ ینه داعش بیلن کیلیشیب آلدی. قاسیون خبر آژانسی تامانیدن متنی نینگ هم ترقه تیلگن کیلیشوو پی کاکا/پی وای دی- وای پی جی و داعش اورته سیده اوق اوزیش نی توخته تیش نینگ اعلان ایتیلگن لیگی نی کورسه تیب بیردی.  اوشبو آتش بس نتیجه سیده پی کاکا/پی وای دی- وای پی جی؛ داعش منطقه لری گه قره تیلگن هجوم لری نی توخته تیب قویرایکن, داعش منسوب لری نینگ منطقه دن چیقیب سوریه نینگ شرقی گه حرکت ایتیشی دن بیر کون کیین دیرالزور شهری نینگ شرقی نی اشغال ایتدی.  

سوریه ده پی کاکا/پی وای دی- وای پی جی نینگ اشغال فعالیت لری گه امکانیت یره تیب بیریش دن تشقری؛ داعش بیلن تورکیه گه قرشی دشمن لیک دایره سیده هم کوپلب گپ لر بولماقده.  حاضرگی کونده پی کاکا/پی وای دی- وای پی جی نینگ الرقه و دیرالزور ده گی سوزده قماقخانه

لریده بولگن کوپلب داعش ترورچیسی تورکیه گه قرشی هجوم اویوشتیریش شرطی بیلن اوشبو سوزده قماقخانه لردن قویب یوباریلماقده.  داعش ترورچی لری تورکیه گه قرشی هجوم لر گه فعال حصه قوشمَسه هم, تورک اردوسی نینگ موجود بولگن ادلب و فرات قالقانی عملیاتی منطقه سی گه فرقلی شکللرده کیریب, تورکیه اوچون بیر تهدید تشکیل ایتماقده.  بوندن تشقری ترور تشکیلاتی پی کاکا/پی وای دی- وای پی جی تامانیدن اوشبو کیشی لر؛ خلق ارا مقیاسده تورکیه نینگ گویا داعش بیلن همکار ایکن لیگی نی کورسه تیش بوییچه پروپاگند اوچون هم استفاده ایتیلماقده.  

ترور تشکیلاتی پی کاکا/پی وای دی- وای پی جی زیتون ناوده سی عملیاتی سببلی تورک اردوسی و ایرکین سوریه اردوسی گه قرشی اوروشیش شرطی بیلن عفرینده گی سوزده قماقخانه لریدن داعش ترورچی لرینی آزاد ایته باشله دی.  بوندن تشقری, موضوع بیلن علاقه لی سونگگی پیتلرده ترقه تیلگن خبر لر گه قره گنده پی کاکا/پی وای دی- وای پی جی نینگ, کیته دیگن جای لری بولمه گن باشقه داعش ترورچی لری دن فایده له نیش اوچون اولر گه ینگی بیر حیات وعده قیلگن لیگی و شونده ی قیلیب خودی منه شوو داعش ترورچی لری نینگ معلوم بیر قسمی نی فرات دریاسی نینگ شرقیدن عفرین گه انتقال ایتتیرگن لیگی کورینماقده. اولکه سی گه قیتیب کیته آلمه گن بیراق اوروشه آله دیگن و بمب تیارلش قابلیتی بولگن داعش ترورچی لری نینگ پی کاکا/پی وای دی- وای پی جی تامانیدن بهالنتیریلگن لیگی و پی کاکا/پی وای دی- وای پی جی نینگ, اولر بیلن همکارلیک ایتیش لری تقدیرده, داعش ترورچیلری گه اسم لری نی ترورچی لر لستیدن چیقاریش وعده سی بیرگن لیگی کوزگه تشلنماقده.

پی کاکا/پی وای دی- وای پی جی نینگ داعش ترورچی لریدن فایده له نیش اوچون تشله گن قدم لر, بیر بیر لری نینگ ترورچی لری دن استفاده ایتیش جهتی دن بحث موضوعی اوشبو ترور تشکیلاتلری اورته سیده گی همکارلیک نینگ انعکاس ایتتیریلیشی نقطه نظریدن اوزیگه خاص بیر اهمیت گه ایگه.  عینی دمده اوشبو وضعیت, داعش گه قرشی کوره ش بهانه سی بیلن امریکا قوشمه ایالتلری و اوروپا نینگ کوپلب دولت لری نینگ حمایه سی نی کسب ایتیاتگن پی کاکا/پی وای دی- وای پی جی نینگ ایککی یوزله مه چیلیگی و منفعتی اوچون بیر تهدید بیلن هم همکارلیک قیلیشی نینگ ممکن ایکن لیگی نی کورستماقده. 

پی کاکا/پی وای دی- وای پی جی؛ اشغال ایتگن منطقه لرده باشقه ملیت لرنی یوق ایتیش, منطقه نینگ نفوس ساختاری نی اوزگرتیش اوچون اینیقسه عرب لر و تورکمن لرنی کوچ ایتیش گه مجبور قیلماقده.  ترور تشکیلاتی پی کاکا/پی وای دی- وای پی جی؛ اوزلری نینگ سوزده قماقخانه لریده سقلش گه طرفدار بولمه گن ترور تشکیلاتی داعش منسوب لری نی هم کوچ ایتیش گه مجبور قیلیاتگن کیشی لرنینگ آره سیگه قوشیب تورکیه گه یوبارماقده.  عینی دمده, ترور تشکیلاتی, داعش منسوبی ترورچی لرنی تورکیه- سوریه چیگره سیده گی تونل لر واسطه سی بیلن تورکیه گه جونتماقده. 

باشقه بیر تاماندن ایسه, امریکا نینگ نیشن مجله سی آرقه لی میلادی 2017 نچی ییلی فبروری آیی نینگ 9 نچی کونیده ترقه تیلگن بیر راپورده  پی وای دی/وای پی جی نینگ سوریه نینگ شمالیده اوروش جرمی گه مرتکب بولگن لیگی و اون مینگلب کیشی نی کوچ ایتیش گه مجبور قیلگن لیگی بیلدیریلماقده.  وای پی جی نینگ سوریه نینگ شمالیده کنترولی آستیده گی منطقه لردن اون مینگلب عادی اهالی دن عبارت عرب و کُرد نی هیده ب یوبارگن لیگی و اوروش جرمی گه مرتکب بولگن لیگی بیلدیریلگن راپورده گی دقت گه سزاوار نقطه ایسه؛ وای پی جی نینگ منطقه ده داعش بیلن اوروشمه گن لیگی, عکسینچه اوروشگن تامان لر گه هم مانع بولگن لیگی نینگ کورینگن لیگی معلوماتی نینگ موجود بولگن لیگی دن عبارت.اوشبو جهت دن آلیب قره گنده خودی منه شوو راپور نینگ پی کاکا/پی وای دی- وای پی بیلن داعش اورته سیده بیر همکارلیک نینگ موجود ایکن لیگی نی کورسه تیاتگن لیگی نی ایسله تیب اوتیشی میز ممکن.