ترکیه ده بوگون غلبه بیرمی

ترکیه جمهوریتی جمهوررئیسی رجب طیب اردوغان آگست آیی نینگ 30 نچی کونی یعنی غلبه بیرمی نینگ 95 نچی ییل لیگی مناسبتی بیلن بیر پیام ترقتدی. 

ترکیه و دنیا نینگ فرقلی جای لریده یشیتگن میلیونلب ترک گه اوشبو بیرم مناسبتی بیلن اوز تبریک لری نی بیلدیرگن جمهوررئیسی اردوغان, ترک ملتی نینگ میلادی 1919 نچی ییلیده غازی مصطفی کمال اتاترک باشچی لیگی ده باشلتگن استقلال کوره شی نینگ برچه امکانیت سیز لیک لر گه قره مسدن, آگست آیی نینگ 30 نچی کونیده دشمن گه قرشی کتته بیر غلبه گه سبب بولگن لیگی نی معلوم قیلدی. 

جمهوررئیسی اردوغان اوز سوز لری نی, "آگست آیی نینگ 30 نچی کونی غلبه سی, ملتی میز نینگ جانیدن آرتیغراق یخشی کورگن وطن توپراق لریده مستقل یشش اراده سی نینگ اعلانی دن عبارت.  اوشبو غلبه, سیاسی و اجتماعی جهت دن تاریخ نینگ سیری نی اوزگرترایکن, مستقل لیک مقصدی بیلن کوره شیتگن باشقه ملت لر اوچون هم الهام منبعی بولدی.  ترکیه, 95 ییل آلدین بولگن لیگی دیک, حاضرگی کونده هم سیاسی و اقتصادی مستقل لیگی گه قرشی تهدید لر نی یوق ایتیش اوچون جان و کونگیلدن کوره ش آلیب بارماقده.  فتو, داعش, پی کا کا و پی وای دی کبی ترور تشکیلات لری گه قرشی دموکراسی و حقوق دایره سیده کوره ش آلیب باریتگن لیگی میز اوشبو اراده میز نینگ بیر مثالی نی تشکیل ایتماقده" شکلیده دوام ایتتیردی. 

اردوغان, ترکیه نینگ اوشبو فعالیت لری بیلن اوز تبعه لری نینگ امنیتینی  تامین ایتگن لیگی دیگ, خلق ارا مقیاسده امنیت نینگ اورنه تیلیشی بوییچه هم کتته حصه قوشیتگن لیگی نی معلوم قیلدی.