هالند ترکیه دن کیچیریم سوره دی

ترکیه جمهوریتی باش وزیری بنعلی ییلدیریم, هالند باش وزیری نینگ ترکیه گه قرشی آلیب باریلگن سیاست لری سببلی ترکیه دن کیچریم سوره گن لیگی نی بیلدیردی. 

باش وزیر ییلدیریم, ترکیه ده خصوصی بیر تلویزیون بیلن قیلگن مصاحبه سیده, هالند باش وزیری مارک رود بیلن بولیب اوتگن تلفنی صحبتی حقیده, "شارژادفیری میز و باش قونسلی میز نی نظارت آستی گه آلیش لری آرتیدن مینگه بونینگ اشتباهاً بولگن لیگی بیلدیریلدی.  اوشبو خصوصده هالند باش وزیری تلفنده کیچیریم سوره دی" دییه قید ایتدی. 

هالند ترکیه جمهوریتی تشقی ایش لر وزیری مولود چاووش اوغلی نینگ طیاره سی نینگ اوشبو اولکه گه باریشی گه مانع بولگن ایدی. 

عینی دمده ترکیه جمهوریتی عایله و اجتماعی سیاست لر وزیری فاطمه بیتول سایان قایا نینگ ترکیه نینگ روتردامده گی قونسلگرلیگی گه باریشی هم هالند تامانیدن توسیق لنگن ایدی. 

شونده ی قیلیب اوشبو ینگی لیک لر آرتیدن ترکیه بیلن هالند آره سیده جدی بیر شکلده دیپلماتیک بحران باشلب کیتگن ایدی.