اتریش لیک وزیرنینگ بیاناتی تنقید ایتیلماقده

ترکیه اتریش لیک وزیرنینگ بیاناتینی تنقید ایتدی

ترکیه، اتریش تشقی ایشلر و اویوشمه وزیری سباستیان کورزنینگ، 16 - اپریل ده ترکیه ده گی رای گیرلیک چوکاتیده جمهور رئیس رجب طیب ایردوغان نینگ بو اولکه ده سیلاو فعالیتی آلیب باریشی نینگ خواهله نمه گن لیگی بیلن علاقه لی بیاناتی نینگ زمانوی ارزشلرگه ماس ایمس ایکن لیگینی بیلدیردی.

تشقی ایشلر وزیرلیگی سوزلاوچیسی حسین مفتی اوغلی، موضوع بیلن علاقه لی بیرگن بیاناتیده، کورزنینگ مغرضانه و طرف کش لیگی نینگ تکرارله گن لیگی گه دقت ترتدی.

مفتی اوغلی بو بی مسؤل و آرتیقچه عباره لر و اونینگ آرقه سیده گی نا معقول ذهنیت نی قبول قیلیش نینگ ممکن ایمس ایکن لیگینی قید ایتدی.

"چیت ایلده یشب تورگن ترک وطنداشلری نینگ، ترکیه ده گی سیلاو جریانیگه اشتراک ایتیشلری نینگ دموکراسی نینگ ارزشلریدن بییرته سی ایکن لیگینی اورغولب، بو جریان نینگ اتریش نینگ ایچکی سیاستی بیلن مناسبتی یوق دیر. تشقی ایشلر وزیری کورزنینگ ادعالری نینگ عکسینچه، اویوشمه گه اصل ضرر بیرگن، ترک وطنداشلری نینگ دموکراتیک حق لریگه مانع بولیش اوچون ایتیلگن متعصب و نامعقول سوزلردیر. بو نامعقول سوزلرنینگ خصوصاً اویوشمه دن مسؤل بیر وزیرنینگ ایتگن لیگی خواطر و قیغوگه سوق ایتماقده دیر" دیب، ایتدی.

ترک سوزلاوچی "متعصب یانداشوولری و اسلام دشمن لیگی افراطی حزب لرنی اوتکزگن کورزنینگ شخصی سیاسی هدف لری اوچون اولکه میزنی استفاده قیلیب، تکرار بحث موضوعی یره تماقچی بولگن لیگی آشکاردیر" دیب ایتدی.

باش وزیر اورین باسری و حکومت سوزلاوچیسی نعمان قورتولموش هم تناون کون موضوع بیلن تیگیشلی اوله راق اتریش تشقی ایشلر وزیری سباستیان کورزنینگ جمهور رئیس ایردوغان نینگ احتمالی سفری بیلن علاقه لی ناراحت بولگن لیکلرینی بیان ایتگن ایدی.