ترکیه لوکزمبورگ تشقی ایشلر وزیری نینگ سوزلرینی قاره له ماقده

ترکیه لوکزمبورگ تشقی ایشلر وزیری نینگ سوزلرینی قاره له ماقده

ترکیه، اروپاده تروریزم نی حمایه قیلیب تورگن اولکه لر آره سیده لوکزمبورگ نینگ بیرینچی قطارده تورگن لیگینی قید ایتیب، بو اولکه نینگ تشقی ایشلر وزیری جان اسلبورن نی قاره له دی.

ترکیه تشقی ایشلر وزیرلیگی سوزلاوچیسی بویوک ایلچی حسین مفتی اوغلو، اسلبورن نینگ بیر آلمان رادیو کانالیده عملگه آشیرگن ملاقاتیده ترکیه بیلن علاقه لی ایتگن سوزلری توغریسیده گی بیر سوالگه جواباً؛ لوکزمبورگ نینگ گلوبال مقیاسده تروریزم گه قرشی کوره ش توغریسیده قنچه لیک حصه قوشگن لیگی معلوم دیر، بیراق تشقی ایشلر وزیری اسلبورن نینگ آلمان رادیو کانالیده گی ملاقاتی، ترکیه دوچ کیلیب تورگن تروریزم تهدیدی نینگ اندازه و ماهیتینی درک ایتیب، توغری بیر شکلده بهالندیریش توغریسیده ضعیف ایکن لیگینی کورستماقده دیر" دیب افاده ایتدی.

تشقی ایشلر وزیری اسلبورن نینگ (15 نچی جولایده) 246 وطنداشیمیز شهید بولگن قانلی کودتا تشبثی گه قول اورگن (فتح الله چی ترور تشکیلاتی اعضاسی) تروریستلرنی قاره له ییشینی کوتیب تورگن لیکلرینی اورغوله گن مفتی اوغلو، اسلبورن نینگ اولکه میزده بو کبی حادثه نی برطرف ایتیش و دموکراسی نینگ دوامی اوچون آلیب باریلگن کوره ش نی، اروپانینگ قاره بیر دوری بیلن قیاس قیلگن لیگی، هم تاریخی معلوماتی نینگ کم لیگی همده بی طرفانه بهالندیریش استعدادیگه ایگه بولمه گن لیگینی کورستماقده" دیب ایتدی.

مفتی اوغلی دموکراتیک بیر اولکه بولگن ترکیه ده فتح الله چی ترور تشکیلاتی موازی دولت ساختاری (FETÖ/PDY)  نینگ 15 نچی جولایده گی کودتا تشبثی دن بوگونگچه آتیلگن آدیملرنینگ ترک خلقی نینگ دموکراسی و آزادلیک ایچیده گی بیر فضاده حیات کیچیریشینی تأمین ایتیش ایکن لیگی گه دقت ترتدی.