ترک وزیر انگلستان لیک تینگداشی بیلن صحبت قیلدی

ترکیه نینگ اوروپا بیرلیگی وزیری تلفن آرقه لی انگلستان لیک تینگداشی بیلن صحبت ایتدی. 

ترکیه جمهوریتی اوروپا بیرلیگی وزیری عمر چلیک, تلفن آرقه لی, انگلستان نینگ اوروپا ایش لری وزیری آلن دانکن بیلن صحبت قیلدی. 

چلیک, کودتا تشبثی آرتیدن ترکیه گه سفر قیلگن لیگی اوچون دانکن گه اوز منتدارچیلیک لری نی بیلدیردی.

اوروپا بیرلیگی وزیرلیگیدن آلینگن معلومات لر گه کوره, اوشبو صحبت جریانیده چیلیک, دانکن گه, فتح الله چی ترور تشکیلاتی موازی دولت ساختاری FETÖ/PDY گه قرشی آلینگن تدبیر لر باره سیده معلومات بیردی. 

دانکن ایسه, تروریزم گه قرشی کوره ش بوییچه هر دایم ترکیه بیلن همکار ایکن لیک لری نی بیلدیردی. 

چلیک, انگلستان نینگ اوروپا بیرلیگی دن اجره لیشی آرتیدن, اوروپا وزیری اوله راق تعین ایتیلگن دانکن گه اوشبو وظیفه سی بوییچه موفقیت لر تیلب قالدی. 

ایککی وزیر, یقین کیله جکده یوز مه یوز اوچره شیش بوییچه هم اوز ارا کیلیشیب آلدی.