استانبول ده دموکراسی و شهیدلر ییغینی اوچون انسانلر ساحه گه کیلیب دوام ایتماقده

استانبول ده دموکراسی و شهیدلر ییغینی اوچون انسانلر ساحه گه کیلیب دوام ایتماقده

فتح الله چی ترور تشکیلاتی موازی دولت ساختاری نینگ 15 نچی جولای کودتا تشبثی نینگ آرتیدن انچه کون دن بیری دموکراسی ییغین لری دوام ایتماقده ایکن، اینگ آخرگی ییغین بوگون بولیب اوته دی.

استانبول یینی قاپی ده بولیب اوته دیگن اوشبو ییغین گه 3 ملیون دن آرتیق کیشی نینگ قتنه شیشی کوتیلماقده ایکن، مذکور ییغین ده بیردم لیک پیام لری ترقه تیله دی.

نمایش اوچون ساحه گه یوز مینگ لب کیشی کیلیب باشله دی. یینی قاپی میترو استیشنی نینگ دویارلریگه شهیدلرنینگ عکس لرینی یاپیشتیریلگن.

جمهور رئیس لیک حمایه سی بیلن بولیب اوته دیگن تاریخی ییغین گه باش وزیر بن علی ییلدیریم، جمهوریت خلق حزبی نینگ رهبری کمال قیلیچدار اوغلی بیلن ملیتچی حرکت حزبی نینگ رهبری دولت باغچه لی هم قتنشه دی.

قوراللی کوچلر قومندانی خلوصی آقر هم قومنده گروهی بیلن ساحه ده اورین آله دی. عین دمده صنعت و سپورت دنیاسیدن هم کوپ سانده کیشی نینگ قتنشیشی کوتیلماقده.

اوشبو ییغین اوچون جدی شکلده خوفسیزلیک تدبیری آلینگن ایکن، 15 مینگ پولیس بیلن 15 مینگ نفر خوفسیزلیک اعضاسی وظیفه آلیب باره دی.

معیوب لر اوچون خاص جای اجره تیلگن و ترانسپورت اوچون 7 مینگ بس تیارلنگن.

50 عدد کیمه دینگیز آرقه لی 12 نقطه دن انتقال بیره دی. ییغین ساحه سیده 728 کیشی ساغلیق پرسونلی وظیفه آلیب باره دی.

مذکور ساحه ده 239 کیشی شهیدنی نماینده لیک قیلیش اوچون 239 نفر ماه تران گروهی کنسرت اجرا قیله دی.  

دموکراسی و شهیدلر ییغینی اوچون جمهور رئیس لیک و باش وزیرلیک تیویتر آدرسی آرقه لی بیر ملت بیر یوراک هشتاگی بیلن انسانلر یینی قاپی گه دعوت ایتیلدی.