امریکا ده ترور تشکیلاتی رهبری گولن نینگ ترکیه گه تاپشیریلیشی خصوصیده بحث ایتیلماقده

امریکا قوشمه ایالت لری تشقی ایش لر  وزیرلیگی, فتح الله چی ترور تشکیلاتی موازی دولت ساختاری FETÖ/PDY بیلن علاقه لی ترکیه تامانیدن امریکا گه بیلدیریلگن حجت لر حقیده تحقیقات آلیب باریلیتگن لیگی نی بیلدیردی. 

اوشبو وزیرلیک نینگ سوزلاوچی سی مارک تونر, ترکیه ده جولای آیی نینگ ۱۵ نچی کونیده گی ناکام کودتا تشبثی نی باشقرگن فتح الله چی ترور تشکیلاتی موازی دولت ساختاری FETÖ/PDY نینگ رهبری گولن نینگ ترکیه گه تاپشیریلیشی حقیده بحث ایتدی. 

تونر, اوشبو اسناد لرنینگ تیکشیریلیشی اوچون اوزاق بیر مدت گه احتیاج حس ایتیلیتگن لیگی نی بیلدیررایکن, "حاضرگی کونده عدلیه وزیرلیگی خودی منه شوو اسناد نینگ رسمی بیر شکلده تاپشیریش بوییچه طلب گه اویغون ایکن لیگی یاکه ایمس لیگی موضوعی توغری سیده تحقیقات آلیب بارماقده" دییه قید ایتدی. 

تونر, امریکا قوشمه ایالت لری تشقی ایش لر  وزیرلیگی گه آلدین هم ترکیه تامانیدن اوشبو خصوصده ایریم اسناد نینگ کیلگن لیگی نی بیلدیررایکن, خودی منه شوو حجت لرنینگ رسمی بیر شکلده گولن نینگ تاپشیریلیشی بوییچه طلب گه اویغون ایمس لیگی نی ترک مقام لری گه بیلدیرگن لیک لری نی ایسله تیب اوتدی. 

سوزلاوچی, ترکیه نینگ اوشبو خصوصده باشقه حجت لر نی هم امریکا گه یوبارگن لیک لری نی معلوم قیلدی.