عراق باش وزیری گه سوء قصد اویوشتیریلدی

عراق باش وزیری گه سوء قصد اویوشتیریلدی

عراق باش وزیری مصطفی الکاظمی نینگ اویی هیداوچیسیز قوراللی هوا واسطه سی (سیها) ارقه لی هجوم گه دوچ قالدی. خوفسیزلیک منبعلر تامانیدن بیریلگن بیاناتگه کوره بغدادنینگ امنیتلی یشیل منطقه سیده جایلشگن بو اوی 3 ته سیها بیلن آماج قرار بیریلدی. بناگه کتته زیان ییترکن باش وزیر الکاظمی یره لنمه ی قوتیلدی. بو هجوم ایران بیلن یقینلیگی بولمیش قوراللی جنگریلرنینگ باش وزیرنی تهدید ایتیشی نینگ آرتیدن یوز بیررکن دقتلر بیر ایچکی اوروش احتمالی گه قره تیلگن وضعیتده.   

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایته میز.

سیلاولرنینگ آرتیدن عراقده سیاسی بحران و برقرارسیزلیک آدیم آدیم یوز بیررکن اینیقسه سیلاولرده اوتیلگن ایران حمایه سیده گی شیعه جنگریلر حربی کوچلرینی ساحه ده عملی قیلیش گه باشله گن شکللی. سونگگی حادثه عراق باش وزیری مصطفی الکاظمی اویی گه هیداوچیسیز هوا واسطه لری آرقه لی هجوم اویوشتیریلیشی دیر. عراقلیک خوفسیزلیک منبعلری و قوراللی گروپلرگه یقین منبعلر هجوم نینگ ایران قوللب – قوتله گن بیر قوراللی گروپ گروپ تامانیدن قول اوریلگن لیگینی ادعا ایتدی. آتلری افشا ایتیلمس لیگی شرطی بیلن خلق ارا مطبوعاتگه بیانات بیرگن منبعلر، هجومده ایش آلینگن هیداوچیسیز هوا واسطه لری و منفجره موادلرنینگ ایران تولیدی ایکن لیگینی ایتدی.

الکاظمی گه قره ته اویوشتیریلگن هجوم دنیا مقیاسیده قاره لندی. تورکیه قاله ویرسه انچه اولکه قاره لش نشر قیلرکن، بیرلشگن ملتلر تشکیلاتی خوفسیزلیک کینگشی نینگ 15 اعضاسی هم اوتکزگن مطبوعاتی کنفرانسده الکاظمی نینگ اویی نینگ هیداوچیسیز هوا واسطه سی آرقه لی آماج قرار بیریلیشینی قتّیق بیر شکلده قاره لب سوء قصد تشبثیده قول اورگنلرنینگ قولگه آلینیشی و عدالت گه تسلیم بیریلیشی کیره ک لیگینی بیلدیردی. اوتکزیلگن مطبوعاتی کنفرانسده برچه اولکه لرنینگ عراق حکومتی بیلن همکارلیک قیلیشی چقیریغی قیلدی.

امریکا قوشمه ایالتلری نینگ عراقدن آدیم آدیم چیقیب کیترکن یراتیلگن بوشلیک نی ایران تولدیریش گه اورونماقده. عراقلیک ملیتچی ساختارلر قاله ویرسه مقتدا الصدرنینگ حرکتی ایران نینگ بو فعالیتی گه توسیق بولیش گه اوروندیلر. سیلاوده صدر تامانیدن ایجاد ایتیلگن ائتلاف نینگ یوتوق قولگه کیریتیشی و سنیلرنینگ یوکسک درجه ده رای آلیب موفق بولیشینی ایران گه یقین هشدی شبعی عنصرلری تحمل قیله آلمه ی تورگن. سیاست گه توشگن بو وضعیتنی جبران قیلیش اوچون قوللریده گی قورالدن ایش آلماقده لر. بغداد قاله ویرسه انچه نقطه ده جایلشگن بو ساختارلر الکاظمی و عراق اردوسینی تهدید ایتماقده لر. عراقده ایچیده ایران هم بولمیش جدی بیر کوچ کوره شی یوز بیرماقده. اولکه ده تیزده ینگی بیا سیاسی و مرکزی اردو اقتدارنینگ شکللنیشی هشدی گه باغلیق جنگریلرنینگ قورالسیزلشتیریلیشی کیره ک. عکسی حالده توقنه شوولر تاباره کوپه ییب بیر ایچکی اوروش گه سبب بولیشی ممکن.     

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک