UEFA قهرمانلر لیگیده ریئال مادرید عجائب غلبه قازاندی

UEFA قهرمانلر لیگی سونگگی 16 تور بیلله شووی بیرینچی اوچره شوویده ریئال مادرید 2-0 مغلوب بولیب تورگن لیورپول گه قرشی کییندن کیلیب 5-2 بیلن غلبه قازاندی.  

خوددی شو کپده بیلتور فاینلده اوچره شگن ایککی جماعه بو مرته انگلستانده گی انفیلد رود استدیومیده اوچره شدی و قیزیق اویین بولدی.

ایککی گول و ایککی اسیست قیلگن ریئال مادریدنینگ ایککی یولدوز فوتبالچیسی کریم بنزما بیلن یونیسوس جونیور اوچره شوونینگ اینگ یوتوقلی فوتبالچیلری بولدی.

اوچره شوو آلدی تورکیه و سوریه ده یوزبیرگن ییر قیمیرلش حادثه لری عاقبتیده حیاتینی یوقاتگنلر اوچون حرمت توختاوی عملگه آشیریلدی.

اوچره شووده لیورپول اوز رقیبی گه قرشی اوست اوستگه ایککی گول اوروب 2-0 نی قولگه کیریتدی. بیراق ریئال مادرید بویین ایگمه ی کوره شیب اوچره شووده 5-2 بیلن غلبه قازاندی.

لیورپول نینگ گوللرینی 4- دقیقه ده دروین نونیز و 14 – دقیقه ده محمد صلاح اوردی.

ریئال مادریدنینگ گوللرینی ایسه 21- و 36 - دقیقه لرده یونیسوس جونیور، 47 – دقیقه ده ایدره میلیتائو، 56- و 67 – دقیقه لرده کریم بینزما اوردی و ریئال مادرید اوز رقیبینی 5-2 بیلن مغلوبیت گه اوچره تدی.

ایککی جماعه اورته سیده بولیب اوتگن 7 اوچره شووده هم ریئال مادرید مغلوب بولگن یوق.

بو تورنینگ ایککینچی اوچره شووی ایسه 15 مارچ چهارشنبه کونی مادریدده بولیب اوته دی.