انگلستان نینگ چلسی جماعه سیگه بیر تورک سوداگر خریدار بولدی

انگلستان فوتبال جماعه سی جلسی نینگ ایگه سی روس میلیاردر رومان ابرام اویچ جماعه نی ساتیش گه قویدی.

انگلیس جماعه سی گه بیر تورک سوداگر محسن بیراق خریدار بولگن لیگینی ایتدی. بیراق "چلسی باشقرووی بیلن اوچره شوولرگه باشله دیک. تورک خلقی گه مژده بیریش آرزوسیده میز" دیدی.

انگلستان فوتبال جماعه سی جلسی نینگ ایگه سی روس میلیاردر رومان ابرام اویچ جماعه نی 27 فبروریده ساتیش گه قویگندی.

تورک سوداگر محسن بیراق چلسی جماعه سی نینگ ساتیش گه قوییلیشی نینگ آرتیدن جماعه باشقروولری بیلن تماس قورگن لیکلرینی ایتدی.

شونده ی بولیب مدافعه وکیل بریوان ایردوغان بیلن شرکتی نینگ اروپا نماینده سی وحبی کوثرنینگ انگلیس کلوپ ییتکچیلری بیلن اوچره شووگه باشله گن لیگی بیلدیریلدی.

محسن بیراق "دنیاگه تورک شرکتلری نینگ هر بیر ساحه گه ییره ب باریشی کیره ک لیگی گه ایشانه من. بو قرار هم تجارتیمیز همده اولکه میزگه همده شرکتیمیزگه کتته اعتبار بیره دی" دیب ایتدی.

چلسی گه دونالد ترامپ هم خریدار...

بیراق جلسی گه خریدار بولگن 5-6 ته شرکتدن بیرته سی نینگایگه سی نینگ امریکا قوشمه ایالتلری سابق دولت باشلیغی دونالد ترامپ ایکن لیگینی معلوم قیلدی.

بیراق "انچه اولکه ده تورک بیراغینی هیلپیره تیاپمیز. بونی لندن هم قیله میز و تورک خلقینی قوانتیره میز. خریدارلر ایچیده اینگ چانسی بولگن بیزمیز. تجارتیمیزگه سلبی تاثیر قالدیرمه یدی، حسابیمیزنی قیلدیک. بیز تیارمیز خبر کوته یاپمیز. او جایدن کیلگن ستراتیژیگه قره ب تدبیرلریمیزنی آله میز و خریدارلیک اوچون اورونه میز. اقتصادگه و توریزم گه انچه حصه قوشه دی" دیدی.