تورکیه بیلن لیتونیا ملی تیرمه فوتبال جماعه لری نینگ اوچره شووی بولیب اوته دی

تورکیه ملی تیرمه فوتبال جماعه سی 2022 فیفا دنیا کپ اروپا سره لش جی گروپ بیلله شوولری دایره سیده بوگون (دو شنبه کونی) لیتونیاگه مهمان بولیب اوچره شه دی.

اوچره شوو ت ر ت 1 کانالی آرقه لی جانلی روشده یایینلنه دی.

تورکیه ملی تیرمه جماعه سی اوچره شوو اجرا ایتیله دیگن دائوگاوا استدیومیده آلمان مربی شتافن کونز باشقروویده تمرین قیلدی و بو تمرین نینگ 15 دقیقه سی مطبوعاتگه آچیق روشده بولیب اوتدی.

تمرین گه مربی میدان نینگ اورته سیده فوتبالچیلرنی ییغیشتیریب گپیردی آرتیدن فوتو صورت گه توشدیلر.  

لیتونیا دائوگاوا استدیومیده تورکیه وقتی بیلن ساعت 21:45 ده افغانستان وقتی بیلن ساعت 23:15 ده بولیب اوته دی.