تورکیه ملی تیرمه جماعه سی هالندگه قرشی غلبه قازاندی

فیفا 2022 دنیا کپ گه قوشیلیش جی گروپ بیلله شوویده تورکیه ملی تیرمه جماعه سی هالندگه قرشی 4-2 بیلن غلبه قازاندی.

گروپده گی ایلک اوچره ووده هالندنی مغلوبیت گه اوچره تگن تورکیه ملی تیرمه جماعه سی نینگ گوللرینی پینالتیدن بولیب 15، 35 و 81 دقیقه لرده بیرته سی براق ییلمز و 46- دقیقه ده خاقان چلخان اوغلی اوردی.

هالندنینگ گوللرینی ایسه 75 – دقیقه ده کلاسین و 76- دقیقه ده یونگ اوردی.

بو یوتوق نینگ آرتیدن تورکیه جمهوریتی دولت باشلیغی رجب طیب ایردوغان تورکیه ملی تیرمه جماعه سی فوتبالچیلرینی بو ظفرلری بیلم قوتله دی.

تورکیه جمهور رئیسلیک علاقه باشقرمه سیدن بیریلگن بیاناتده، ایردوغان اوچره شوونینگ آرتیدن فوتبالچیلرنینگ یانی گه بارگن یاشلر و سپورت وزیری محرم قصاب اوغلی نینگ تیلفونی گه قونغراق قیلیب ملی تیرمه فوتبال جماعه سی مربعی شینول گونش و فوتبالچیلر بیلن گپلشگن لیگی بیلدیریلدی.

ایردوغان بو یوتوق بیلن انچه خرسند بولگن لیگینی افاده ایتدی.

جمهور باشلیغی ایردوغان "شو چاغده ملی تیرمه جماعه میزنینگ هالن کبی کوچلی جماعه نی 4-2 بیلن مغلوبیت گه اوچره تیشی مملکتیمیز و ملتیمیزگه فخر بخشله دی، دیدی.

خوددی شو یوتوق بیلن ملی تیرمه جماعه سی مربعی شینول گونش قاله ویرسه جماعه کفتانی براق ییلمز و فوتبالچیلرنی تبریکله دی.

شونده ی بولیب تورکیه بویوک ملت مجلس باشلیغی مصطفی شن توپ بیلن جمهور رئیس اورینباسری فواد اوکتای هم اجتماعی ترماق آرقه لی ملی تیرمه جماعه سینی قوتله دی.

اوچره شوونی استدیوم گه کیلیب تماشا قیلگن تورکیه یاشلر و سپورت وزیری محرم قصاب اوغلی ایسه شولرنی ایتدی:

"کوشچن و فداکار بیر تیم بار. یخشی باشلنغیچ بولدی. ایندی ناروی و لیتونیا بار. او بیلله شوولرده هم ملی جماعه میز بیزنی خرسند قیله دی" دیب ایتدی.