بارسیلونا اروپا قهرمانلر لیگی بیلله شوویده مغلوبیت گه اوچره دی

UEFA قهرمانلر لیگی 16 تور باسقیچی بیلله شوویده اسپانیانینگ بارسیلونا جماعه سی بیلن فرانسه نینگ پاریس سن جرمن جماعه سی و انگلستان نینگ لیورپول جماعه سی بیلن آلمان نینگ لیپزیگ جماعه سی اوچره شدی.

اوشبو بیلله شوولرده پاریس سن جرمن بارسیلوناگه قرشی 4-1 بیلن لیورپول لپزیگ گه قرشی 2-0 بیلن غلبه قازاندی.

بیلله شووده پاریس سن جرمن بارسیلونانی 4-1 بیلن اوترکن گوللرینی 32 ، 65 و 85 - دقیقه لرده کلیان ایمباپه 70 دقیقه ده موئیس کیئان اوردی.

برسیلونانینگ گولینی ایسه 27 – دقیقه ده پینالتیدن لیونل میسی اوردی.

کلیان ایمباپه بیر قهرمانلر لیگی بیلله شوویده برسیلوناگه قرشی هات-تریک قیلگن اوچونچی فوتبالچی بولدی.