تورکیه ملی تیرمه جماعه سی اروپا کپ گه قتنه شیش گه موفق بولدی

تورکیه ملی تیرمه جماعه سی اوز فوتبال تاریخی دوامیده 5- مرته اروپا کپ گه قتنه شیش گه موفق بولدی.

EURO 2020 گه اورین آلیش اوچون فقط بیر نمره گه ضرورتی بار ایدی. شونده ی قیلیب آیسلند بیلن برابرگه قالیب اروپا کپ بیلله شوولریگه قتنه شیش گه موفق بولدی.

تورکیه جمهور باشلیغی رجب طیب ایردوغان، اوچره شوونی استدیم گه کیلیب تماشا قیلدی.

EURO 2020 گه قتنه شیش بیلله شوولری H  گروپ 9- مسابقه سیده آیسلند بیلن اوز میزبانلیگیده 0-0 برابرگه قالگن ملی تیرمه جماعه نینگ فوتبالچیلری انچه خرسن بولدیلر و تماشاچیلر بیلن قوتله دیلر.

بو گروپ نینگ ایریم بیلله شوویده فرانسه مولدووانی مغلوبیت گه اوچره تیب گروپده بیرینچی لیک اوریننی ایگلله دی.

تورکیه ملی تیرمه جماعه سی سونگی بیلله شووده 17 – نوامبر یکشنبه کونی اندوراگه مهمان بولیب اوچره شه دی.

تورکیه نینگ اروپا EURO 2020 کپ ده گی رقیبلری 30 – نوامبر شنبه کونی رومانیانینگ پایتختی بخارست ده قرعه آرقه لی انیقلنه دی.

اروپا EURO 2020 کپ بیلله شوولری 12 جون – 12 جولای اورته سیده اروپانینگ 12 اولکه سیده گی 12 شهرده بولیب اوته دی.

کپ نینگ یریم فاینل و فاینل بیلله شوولری انگلستان نینگ پایتختی لندنده جایلشگن ومبلی Wembley استدیومیده اجرا ایتیله دی.