روسیه ده کسلخانه ده یانغین یوز بیردی

روسیه ده ینگی تور کرونا ویروس (کووید 19) کسل لری نینگ تداوی ایتیلیاتگن کسلخانه ده یانغین یوز بیردی. اوشبو حادثه عاقبتیده 2 کیشی حیاتی نی یوقاتدی. 

کسلخانه نینگ جدی مراقبت بولیمیده باشله گن یانغین آرتیدن حادثه محلی گه روسیه عاجل وضعیت لر وزیرلیگی گه باغلیق 100 گه یقین پرسونل و تقریباً قیرق اطفائیه بیلن امبولانس یوباریلدی. 

اطفائیه یانغین نی اوچیریش گه حرکت قیلرایکن, 18 کسل بیلن 16 پرسونل جدی سعی و حرکت لر نتیجه سیده کسلخانه دن چیقاریلدی. 

بیراق, جدی مراقبت بولیمیده گی کسل لرنینگ موجود بولگن اتاقدن 2 کسل نینگ جسدی نینگ چیقاریلگن لیگی بیلدیریلدی. 

یانغین نینگ سببی نینگ انیقلنمه گن لیگی و حادثه حقیده تیرگاو باشله تیلگن لیگی معلوم قیلیندی.