ترک متخصص لر سرطان کسل لیگی نینگ اینگ آسان تشخیص یولی نی تاپدی
اوشبو میتود بیلن سرطان حجره لری نی تاپیش ممکن
تُرک متخصص نینگ سرطان کسل لیگی نینگ تشخیصی و تداوی سی بوییچه کتته موفقیتی.
امریکا قوشمه ایالتلریده اورین آلگن ستانفورد عالی بیلیم یورتیده وظیفه اجرا ایتیتگن ترک داکتر لر دن عبارت داکتر اوتکان دیمیرجی بیلن داکتر گوزدا دورمیش, ییر نینگ جاذبه قوه سی نینگ موجود بولمه گن بیر محیط یره تیب سرطان حجره لری نی اجره تیش گه موفق بولدی.
داکتر گوزدا دورمیش, "قیزیل قان حجره سی, آق قان حجره سی و سرطان حجره لری نینگ اوزی گه خاص مقناطیسی خصوصیت لری موجود. حتی سرطان حجره لری نینگ اوزی نینگ هم فرقلی مقناطیسی خصوصیت لری بار. مثال قیلیب آلگنده, علمی فعالیت لری میز نتیجه سیده ایمچک سرطانی حجره لری نینگ باشقه سرطان حجره لری گه کوره ینگیل ایکن لیگی و مقناطیسی حساسیتی نینگ آز ایکن لیگی کوریندی" دییه قید ایتدی.
داکتر دورمیش اوز سوز لری نی, "بیز نینگ اویلب چیقارگن اوشبو آلت بیلن بسیط بیر قان تحلیلی نتیجه سیده ۲۰ دقیقه کبی قیسقه بیر مدت مابینیده میلیاردلب قان حجره سی نینگ ایچیدن سرطان حجره لری نی تشخیص ایتیش ممکن. عینی دمده تشخیص ایتیلگن اوشبو حجره لرنینگ قیسی ادویه لر گه قرشی حساس ایکن لیگی نی هم قیسقه بیر مدت مابینیده کوریش ممکن بوله دی. اوشبو میتود نینگ باشقه مهم بیر تمانی ایسه ارزان ایکن لیگی دن عبارت" شکلیده دوام ایتتیردی.
علاقه لی ینگی لیکلر
مکسیکوده ینه بیر سیاستچی آتیب اولدیریلدی
بیر بلدیه باشلیغی کاندیدی سیلاو کمپاینی جریانیده آتیب اولدیریلدی