ابولا ویروسی سیره لیون و گینا ده کینگ قولاچ یاییب بارماقده

ابولا ویروسی سیره لیون و گینا ده کینگ قولاچ یاییب بارماقده.
بیرلشگن ملت لر تشکیلاتی عمومی منشی سی بان کی مون نینگ ابولا بوییچه خاص نماینده سی دیوید ناباررو ابولا ویروسی نینگ کوپلب کیشی نینگ وفات ایتیشی گه سبب بولیتگن غربی افریقا ده گی ۴ اولکه گه قیلگن سفری آرتیدن ژنیو ده مطبوعاتی کنفرانس ترتیب له دی.
ناباررو, سیره لیون ده اوشبو ویروس گه قرشی کوره ش بوییچه ینه ده کوپراق ساغلیق پرسونلی و بستر نینگ ضرورت ایکن لیگی نی ایسله تیب اوتدی.
اوشبو نماینده, دنیا نینگ فرقلی منطقه لری دن باریب خودی منه شو منطقه ده خدمت ایتیتگن داکتر لر و نرس لر گه اوز منتدارچیلیک لری نی بلدردی.
دنیا ساغلیق نی سقلش تشکیلاتی, ۴۰ ییل آلدین کشف ایتیلگن ابولا ویروسی سببلی سیره لیون, لیبریا و گینا ده ۶ مینگ ۳۰۰ دن آرتیغراق کیشی نینگ وفات ایتگن لیگی نی معلوم قلدی.
اوشبو ویروس گه چلینگن کیشی لرنینگ سانی نینگ ایسه ۱۸ مینگ نفر دن عبارت بولگن لیگی بلدریلماقده.