پاکستان ده اونلب کیشی حیاتینی یوقاتدی

پاکستان نینگ جنوب – شرق تامانیده جایلشگن ولایتلرده سونگگی 4 کونده یوزبیرگن کوچلی یامغیر و چقماق توشیشی عاقبتیده حیاتینی یوقاتگنلر سانی 55 گه ییتدی.

آفت باشقرمه سی ییتکچیلری، پنجاب، بلوچستان و خیبر پختونخواه ولایتلریده دوام ایتگن کوچلی یاغینگرچیلیک و چقماق توشیشی عاقبتیده 55 کیشی نینگ اولگن لیگینی بیلدیردی.

ییتکچیلر حیاتینی یوقاتگنلردن کوپی نینگ بوغدای اوریش جریانیده چقماق اورگن دهقانلردن عبارت ایکن لیگینی معلوم قیلدی.

باش وزیر شهباز شریف ییتکچیلرگه یاغینگرچیلیک یوزبیرگن منطقه لرگه تیزده یاردم ییتکیزیشلری بوییچه بویروق بیرگن لیگی قید ایتیلدی.

یاغینگرچیلیک سبب بولگن سوو تاشقینلریده کوپلب اوی – جای و آست قوریشلر گه زیان ییتگن لیگی بیلدیریلدی.

پاکستان ده 2022 ییلیده اولکه نینگ اوچدن بیری سوو آستیگه قالیب کیتگن سوو تاشقینلریده 2 مینگ اطرافیده کیشی حیاتینی یوقاتر ایکن 30 میلیارد دالر زیان ییتگندی.