پاکستانده توقنه شوو یوز بیردی

پاکستان نینگ بلوچستان ایالتیده دینگیز کوچلری مرکزی گه قره تیلگن هجوم تشبثی آرتیدن یوز بیرگن توقنه شووده, 1 عسکر حیاتینی یوقاتدی. 

داون روزنامه سی نینگ خبری گه کوره, پاکستان اردوسی نینگ مطبوعات دفتری تامانیدن بیریلگن یازمه بیاناتده, بلوچستان گه باغلیق تربت منطقه سیده گی دینگیز کوچلری مرکزی گه قره ته هجوم اویوشتیریلیش گه تشبث قیلینگن لیگی بیلدیریلدی. 

بیاناتده, هجوم تشبثی آرتیدن خوفسیزلیک کوچلری نینگ زودلیک بیلن جواب قیترگن لیگی و حادثه محلیده توقنه شوو یوز بیرگن لیگی معلوم قیلیندی. 

توقنه شووده بیر عسکر نینگ حیاتینی یوقاتگن لیگی, 4 نفر هجومچی نینگ اولدیریلگن لیگی معلوم قیلینگن بیاناتده, هجومچی لرنینگ ایچکری گه کیریش تشبثی نینگ خوفسیزلیک کوچلری تامانیدن توسیلگن لیگی بیلدیریلدی. 

عینی دمده, ایریلیقچی بلوچستان قوتیلیش اردوسی, محلی مطبوعات آرقه لی بیرگن بیاناتیده, هجوم نینگ مسئولیتی نی اوز بوینی گه آلدی.