پاکستان تشقی ایشلر وزیرلیگی تامانیدن افغانستان بیلن اوزارا مناسبتی بوییچه بیانات بیریلدی

پاکستان، افغانستان ده پاکستان طالبانی گه باغلیق ایکن لیگینی ادعا ایتیب بعضی بیر جایلرنی بمباردمان قیلدی.

آتی نینگ بیریلیشینی خواهله مه گن ایککی نفر پاکستانلیک خوفسیزلیک و استخبارات ملازمی گه تیانتیریب بیریلگن بیاناتگه کوره، پاکستان اردوسی ایرته لب افغانستان نینگ پاکستان چیگره سیده جایلشگن خوست و پکتیکا ولایتلریده پاکستان طالبانی گه باغلیق ایکن لیگینی ادعا ایتیب بعضی بیر جایلرنی بمباردمان قیلگن لیگینی بیلدیردی.

پاکستان اردوسی تامانیدن موضوع حقیده بیانات بیریلگن یوق، بیراق پاکستان طالبانی اوشبو هجومنی تایید ایتدی.

افغانستان ده گی طالبان باشقرووی سوزچیسی ذبیح الله مجاهد، پاکستان نینگ برمل منطقه سیده گی هجوملر عاقبتیده 3 نفر خاتین و 3 ته باله نینگ، خوست ده گی هجوملر عاقبتیده 2 ته خاتین نینگ اولگن لیگینی معلوم قیلیب حادثه نی قاره له دی.

شونده ی بولیب پاکستان تشقی ایشلر وزیرلیگی تامانیدن بیریلگن بیاناتده، پاکستان طالبانی نینگ افغانستان ده گی موجودیتی گه تیگیشلی "قیغولرنینگ" طالبان باشقرووی گه ییتکیزگن لیکلری بیلدیریلدی.

پاکستان طالبانی نینگ اولکه نینگ خوفسیزلیگی اوچون "تهدید" ایجاد ایتگن لیگی معلوم قیلینگن بیاناتده، افغانستان نینگ "حاکمیتی گه و توپراق بوتونلیگی گه بیریلگن اهمیت گه بناً "ایککی اولکه اورته سیده دیالوگ و همکارلیک نینگ بیرینچی اورینده ایکن لیگی افاده ایتیلدی.

بیاناتده، منطقه تینچلیک و برقرارلیگی اوچون پاکستان طالبانی کبی گروپلرگه قرشی طالبان باشقرووی بیلن بیرگه لیکده فعالیت آلیب باریش گه دوام ایتیله جگی بیلدیریلدی.

شونده ی بولیب 16 مارچ تاریخیده گی خیبر پختونخواه ولایتیده گی شمالی وزیرستان منطقه سیده عسکری پوسته گه منفجره مواد اورنه تیلگن موتر آرقه لی هجوم اویوشتیریلگندی. آرتیدن کوپلب خودکش هجوم اویوشتیریلگندی. هجوملر و آرتیدن اویوشتیریلگن عملیاتلرده 7 نفر پاکستان حربیسی حیاتینی یوقاتر ایکن 6 هجومچی اولدیریلگندی.

پاکستان جمهور باشلیغی آصف علی زرداری عسکرلرنینگ جنازه مراسمی گه قتنه شیب جنگریلرگه جواب بیره جکلری بوییچه وعده بیرگندی.