پاکستان ده سیاسی حزبلر سیلاو نتیجه لریگه ناراضیلیک بیلدیرماقده

پاکستان ده سیاسی حزبلر سیلاو نتیجه لریگه ناراضیلیک بیلدیریش اوچون قتناو یولنی یاپیب قویدی.

بلوچستان ایالتیده قماقخانه ده بولگن سابق باش وزیر عمران خان نینگ حزبی پاکستان عدالت حزبی (PTI) و ایریم سیاسی حزبلر 8 فبروریده گی سیلاوده فساد بارلیگی ادعاسی بیلن قتناو یولده گی ترانسپورت گه توسیق بولدی.

ملی مطبوعاتده گی خبرلرگه کوره، کوپلب مظاهره چی ایالت نینگ تورلی نقطه لریده قتناو یولنی ترافیک که یاپیب قوییب کویته شهری ییتکچیسی نینگ اویی نینگ قاشیگه اولتیریب ناراضیلیک بیلدیردی.

بلوچستان ایالتی خبرلشوو و علاقه وزیری جان اچیکزی نمایشچیلرگه قیلگن چقیریغیده سیلاو نتیجه لرینی تن آلیشلرینی و ناراضیلیکلرنی اداغگه ییتکیزیشلرینی خواهله دی.

عمران خان نینگ حزبی پاکستان عدالت حزبی (PTI)، بیرینچی بولگن حالده کوپلب سیلاو منطقه سیده رایلری نینگ اوغیرلنگن لیگینی و رقیب حزبلرنینگ کاندیدلریگه بیریلگن لیگینی ادعا ایتماقده. ایریم سیاسی حزبلر هم رایلری نینگ اوغیرلنگن لیگینی ادعا ایتماقده.

عمران خان نینگ حزبی پاکستان عدالت حزبی، جمعیت اسلامی حزبی و اسلام علما جمعیتی حزبی توناون کونی پنجاب و سیند ایالتلریده هم شونقه سببلر طفیلی مظاهره قیلگندی. پولیس کوچلری یوزبیرگن حادثه لرده بیر قطار نمایشچینی قولگه آلگندی.

پاکستان سیلاو کینگشی 8 فبروریده اویوشتیریلگن ملی مجلس و ایالت مجلسلری نینگ سیلاو نتیجه لرینی توناون کونی اعلان قیلگندی.   

ملی مجلس سیلاولریده سابق باش وزیر عمران خان نینگ حزبی پاکستان عدالت حزبی (PTI) قوللب – قوتلاوچی مستقل ملت وکیللر بیرینچی، ییتکچی لیگینی سابق باش وزیر نواز شریف قیلگن پاکستان مسلمان لیگی – نواز (PML-N) ایککینچی بولگندی.