پاکستانده کوپلب پولیس حیاتینی یوقاتدی و یره لندی

پاکستان نینگ خیبر پختونخوا ایالتیده, جنگری لرنینگ پولیس مرکزی گه قره ته اویوشتیرگن هجومی عاقبتیده 10 پولیس حیاتینی یوقاترایکن, 6 پولیس ایسه یره لندی. 

پاکستانده ترقه تیلگن خبر لر گه کوره, خیبر پختونخوا ایالتی نینگ دیره اسماعیل خان منطقه سیده جنگری لر, کیچه قول بمب لری و آغیر قوراللر دن فایده له نیب پولیس مرکزی گه قره ته هجوم اویوشتیردی. 

اوشبو حادثه عاقبتیده 10 پولیس حیاتینی یوقاترایکن, 6 پولیس ایسه یره لندی. 

قاچیب کیتیش گه موفق بولگن هجومچی لرنینگ اوشله نیشی اوچون عملیات باشله تیلدی. 

هجوم نینگ مسئولیتی نی هیچ بیر تامان اوز بوینی گه آلمه گن. 

پاکستانده اینیقسه خیبر پختونخوا و بلوچستان ایالتلریده جنگری لری نینگ هجوملری آرتیب بارماقده. 

اسلام آباد رهبریتی, پاکستان گه قرشی اوروشیاتگن پاکستان طالبانی نینگ افغانستان گه جایله شیب آلگن لیگی و طالبان رهبریتی نینگ اوشبو تشکیلات گه قرشی تدبیر آلمه گن لیگینی ادعا ایتماقده. 

افغانستان ایسه پاکستان نینگ اوشبو ادعا لرینی رد ایتیب خوددی شوو اولکه ده گی خوفسیزلیک معما لری بیلن هیچ قنده ی بیر ارتباط لری نینگ بولمه گن لیگینی معلوم قیلماقده.