پاکستان بیلن ایران اوزارا کیلیشیب آلدی

پاکستان بیلن ایران ایککی اولکه نینگ بویوک ایلچیلری نینگ 26 جنوریگچه اوز وظیفه لریگه قیتیب باریشلری توغریسیده کیلیشیب آلدی.

پاکستان تشقی ایشلر وزیرلیگی تامانیدن بیریلگن بیاناتده، تشقی ایشلر وزیری جلیل عباس جیلانی بیلن ایران تشقی ایشلر وزیری حسین امیر عبداللهیان اورته سیده بولیب اوتگن تیلفون سوزلشووی نینگ آرتیدن اسلام آباد بیلن تهران نینگ ایککی اولکه نینگ بویوک ایلچیلری نینگ 26 جنوریگچه اوز وظیفه لریگه قیتیب باریشلری توغریسیده کیلیشیب آلگن لیگی بیلدیریلدی.

بیاناتده، تشقی ایشلر وزیری جیلانی نینگ دعوتی گه بناً ایران تشقی ایشلر وزیری عبداللهیان نینگ 29 جنوری تاریخیده پاکستان گه تشریف بیوریشیدن خبر بیریلدی.

ایران 16 جنوریده پاکستان توپراقلریگه راکت و هوا سطه لری ارقه لی هجوملر اویوشتیریب ترور عنصرلرینی آماج قرار بیرگن لیگینی بیلدیرگندی.

پاکستان هم کیچه وقتی ایران نینگ چیگره منطقه سیده بیر نقطه نی راکتلر آرقه لی اوروب تروریستلرگه قره ته عملیات اویوشتیرگنینی معلوم قیلگندی.

تامانلر بیر بیرینی قاره لر ایکن هجوملر عاقبتیده تینچ اهالی نینگ جان بیرگن لیگینی «دوست و قرداش اولکه لر» بولیب بیر بیری نینگ توپراق بوتونلیگی گه حرمت قیلگن لیکلرینی بیان ایتگندی.

اسلام آباد باشقرووی 17 جنوریده تهران بویوک ایلچیسینی اولکه سیگه چقیرر ایکن بیر سفر آرقه لی اولکه سیگه بارگن ایران اسلام آباد بویوک ایلچیسی نینگ هم بیر مدت قیتمس لیگی بوییچه تهران گه بیلدیروو جونتگندی.

ایران 15 جنوریده هم ترور تشکیلاتلری و اسرائیل استخباراتینی اماج قرار بیریش بهانه سی بیلن عراق نینگ شمالی گه راکت اورگندی.

عراقلیک ییتکچیلر ایران نی قتّیق قاره لب بهانه لرنینگ پستانه ایکن لیگینی و حاکمیت حقلرینی اخلال ایتگن لیگینی ادعا ایتگندی.