پاکستان هوا کوچلری ایران توپراقلریگه هوا هجومی اویوشتیردی

پاکستان، ایران نینگ سیستان – بلوچستان ولایتیده "ترورچیلیک هدفلریگه" قره ته هوا هجومی اویوشتیرگن لیگینی بیلدیردی.

پاکستان تشقی ایشلر وزیرلیگی تامانیدن بیریلگن بیاناتده، سیستان – بلوچستان ایالتیده ترورچیلر یشینگن جایلرگه بیر قطار حساس حربی هجوم" اویوشتیریلگن لیگی بیلدیریلدی. شونده ی بولیب استخبارات گه باغلیق عملیات عاقبتیده کوپلب تروریست نینگ اولدیریلگن لیگی افاده ایتیلدی.

بیاناتده سونگگی بیر نیچه ییلدن بیری ایران بیلن آلیب باریلگن اوچره شوولرده تهران باشقروویگه پاکستان منبعلی تروریستلرنینگ ایران ده گی کنترولسیز ساحه لرده قورگن خوفسیز باش پناهگاهلر و مغاره لرگه تیگیشلی جدی خواطرلر بارلیگی باهملشیلگن لیگی گه دقت تارتیلدی.

بیاناتده پاکستان نینگ خلق ارا حقوق دایره سیده مشروع حقلریدن فایده لنگن لیگی، حاکمیتی و توپراق بوتونلیگی گه هیچ قنداغ خلل ویا تهدید ایجاید ایتیلیشی گه اصلا رخصت بیریلمس لیگی بیلدیریلدی.

پاکستان نینگ بو عملیاتی نینگ اولکه نینگ ملی خوفسیزلیگینی برچه تهدیدلرگه قرشی قوریقلش و مدافعه توغریسیده گی کوچلی قرارلی لیگی نینگ بیر کورستگیچی ایکن لیگی بیلدیریلگن بیاناتده مقدس بولمیش خلق امنیت و خوفسیزلیگینی سقلب قالیش اوچون کیره کلی برچه ادیملرنینگ آتیش گه دوام ایتیلیشیدن خبر بیریلدی.

بیاناتده،

"پاکستان، ایران اسلام جمهوریتی نینگ حاکمیتی گه و توپراق بوتونلیگی گه حرمت قیله دی. بو عملیاتدن یگانه مقصد پاکستان نینگ خوفسیزلیگی و ملی منفعتلری دیر. بو منفعتلر هرنرسه دن مهم دیر و اصلاً خطرگه تشلنمه یدی." دییلگن.

ایران نینگ قرداش بیر اولکه ایکن لیگی و پاکستان خلقی نینگ ایران خلقی گه حرمت و سیوگیسی بارلیگی افاده ایتیلگن بیاناتده، اسلام ابادنینگ ترورچیلیک تهدیدی قاله ویرسه مشترک حرکتلرگه قرشی هردایم دیالوگ و همکارلیک نی تاکیید ایتگن لیگی شونده ی بولیب مشترک ییچیم یولی تاپیش اوچون اورونیش گه دوام ایتیلیشی اورغولندی.

پاکستان تشقی ایشلر وزیرلیگی ایران نینگ 16 جنوریده چیگره ده جایلشگن بلوچستان ایالتی نینگ پنج گور منطقه سیگه هوا عملیاتی اویوشتیرگن لیگینی و خوددی شو هجوم عاقبتیده 2 ته باله نینگ حیاتینی یوقاتگن لیگینی 3 ته قیز باله نینگ یره لنگن لیگینی بیلدیرگندی.

تهران بویوک ایلچیسینی اولکه سیگه چقیریش قراری آلگن پاکستان ایران گه سفر قیلگن ایران نینگ اسلام آباد بویوک ایلچیسی نینگ ینه بیر مدت پاکستان گه کیلمه یشی نینگ ممکن ایکن لیگینی تهران گه بیلدیرگندی.

ایران ایسه پاکستان نینگ هوا عملیاتی گه تیگیشلی بیاناتیده "چیگره ده جایلشگن بیر قیشلاققه اویوشتیریلگن راکت هجومی عاقبتیده 3 ته عیال و 4 ته باله نینگ حیاتینی یوقاتگن لیگینی" بیلدیردی.  

ایران ده ترور تشکیلاتی ایتیب تن آلینگن "جیش العدل" تشکیلاتی "سنی بلوچ خلقی نینگ حقلریدن مدافعه قیلگن لیگینی" ادعا ایتیب پاکستان چیگره سیده اورین آلگن سیستان – بلوچستان ایالتیده وقت وقتی بیلن قوراللی هجوملرگه قول اورماقده.