ایران نینگ حربی کیمه سی قیزیل دینگیزگه کیردی

قیزیل دینگیزده امریکا قوشمه ایالتلری کوچلری بیلن یمن ده ایران قوللب – قوتلاوچی حوثیلر اورته سیده بحران تیرمه لب باررکن ایران نینگ «البرز» آتیده گی بابل مندب تنگیسیدن اوتیب قیزیل دینگیزگه کیردی.

ایران نینگ یریم رسمی خبر آژانسی تسنیم خبر آژانسی بیلدیریشیچه، ایران دینگیز کوچلری نینگ 94 – دینگیز قومندان لیگی گه باغلیق «البرز» آتیده گی حربی کیمه سی خلق ارا سوولرده گی وظیفه اوچون بابل مندب تنگیسینی اوتیب قیزیل دینگیزگه کیرگن.

خبرده ایران دینگیز کوچلری نینگ 2009 ییلیدن بوگونگچه "ترانسپورت ترماقلرینی امنیت آستی گه آلیش، اوغریلرگه قرشی کوره ش و ایریم وظیفه لرنی بجا کیلتیریش مقصدی بیلن بابل مندب تنگیسینی اوتیب قیزیل دینگیزگه کیرگن.

ایران قوللب – قوتلاوچی حوثیلر اسرائیل نینگ غزه نواریده گی هجوملریگه عکس العمل اوچون 31 اکتوبردن بیری یمن دینگیز ساحه سیده اسرائیللیک شرکتلرگه باغلیق تجاری کیمه لرنی قولگه آلیش و بعضی بیر کیمه لرنی درونلر ارقه لی اماج قرار بیریش گه باشله گندی.

امریکا قوشمه ایالتلری کوچلری بو جریانده انچه مرته یمن دن اوریلگن راکت و درونلرنی اوروب توشیرگن لیگینی بیلدیرگندی.

حوثیلرنینگ هجوملری نینگ آرتیدن کوپلب دینگیزچیلیک شرکتی هم قیزیل دینگیزده گی سفرلرینی توخته تیب قوییش قراری آلدی.

اینگ سونگ تیناون کونی قیزیل دینگیزده اسرائیل گه باغلیق کیمه نی قولگه آلیش چاغیده حوثیلرگه باغلیق 3 ته سرعتلی کیمه نینگ امریکا قوشمه ایالتلری تیک اوچرلری تامانیدن هجوم اویوشتیریلیشی عاقبتیده حوثی کوچلریدن 10 کیشی نینگ اولگن لیگینی بیلدیرگندی.